Spiegel historiael. Vijfde partie. Deel 1
(1906)–Lodewijk van Velthem–Noch van heme ende enen scoesuttere, ene spellicheit. xxvij.Ga naar voetnoot+Een scoesuttere, .i. sot serjant,
Die daer woen[en]de was int lant,
1900[regelnummer]
Quam eens te Coelne in der stat,
Ende hi hadde dicke gehort vor dat
Van broeder Alebrecht secgen groet wonder.Ga naar margenoot+
Des penst hi in hem selven besonder:
‘Mochten dese dinge waer wesen
1905[regelnummer]
Datmen aldus seget van desen,
| |
[pagina 125]
| |
Hoe mochtie des geproeven nu?’
Dus quam die gene, dat secgic u,Ga naar margenoot+
Ende wilde dit daer weten in scine;
Ende quam gaende met sinen robine
1910[regelnummer]
Daer broeder Alebrecht woenende was.
Doen hire quam, vraechdi na das
Waer broeder Alebrecht waer? boudeGa naar margenoot+
Die cnape vraechden wat hi woude?
Die gene seide: hi moesten sien
1915[regelnummer]
Ende spreken oec saen. Na dien
Ginc een cnape ende seit ter vard
Hoe hem nu te spreken begardGa naar margenoot+
Een cnape, die .i. robijn draget.Ga naar voetnoot1918
‘En hebdi hem niet gevraget
1920[regelnummer]
Wat hi wilt?’ sprac broeder Alebrecht.
‘Jaic, mer hi wilt al slecht
U selven spreken; mi donke alnuGa naar margenoot+
Dat hi kennesse heeft an u.’
Ga naar margenoot+ ‘Ganc henen, vrach wat hi wilt
1925[regelnummer]
Ende dat hi u sine stucken telt.
Ic ben onledich nu ter stont.’
Die cnape gine ende doet contGa naar margenoot+
Den genen die metten robine stoet.
Doe seide die gene: ‘Vrient! ic moet
| |
[pagina 126]
| |
1930[regelnummer]
Emmer mijn here selve spreken!
Dit gaet ende secgt hem sekerleken.
Ic salne sien ende spreken medeGa naar margenoot+
Eric heden hene scede.
Salic u mijn heymelijcheit noemen,
1935[regelnummer]
Daer ic hier nu om ben comen?
Ic salse hem selve secgen, Godweet!’
Aldus die cnape weder geetGa naar margenoot+
Ende seget broeder Alebrecht saen
Die antworde die hi hevet ontfaen.
1940[regelnummer]
Alst broeder Alebrecht heeft vernomen,
Dedi den cnape vor hem comen
Tot in sine celle, daer hi sat,Ga naar margenoot+
Ende vraechde den cnape na dat,
Die met sinen robine daer was gestaen,
1945[regelnummer]
Wat hi wilde? Die gene seide saen:
‘Meester! Ic hebbe van u gehort
Secgen menich selsen word,Ga naar margenoot+
Van gokelien, van behindicheden;
Nu comic tot u, hier ter steden,
1950[regelnummer]
Dat gi mi uwer const laet sien.
So magic te bat geloven van dien
Dat ic gehort heb van u.’Ga naar margenoot+
- ‘Cnape! Quaemstu hierom nu
Tote mi, ende wils mi emmer spreken?’
1955[regelnummer]
- ‘Jaic, meester! ende sekerleken
Ic moet uwen const oec sien
Eric heden van u sal tien.’Ga naar margenoot+
| |
[pagina 127]
| |
Ende broeder Alebrech suetelijc sprac:
‘Gef here dan dinen sac!
1960[regelnummer]
In wil niet dat gi van mi keert
Ghine hebt mire const yet geleert.’
Hi gaf hem den sac; ende daer naerGa naar margenoot+
Staker in sine hant vorwaer
Broeder Alebrecht, ende tracse weder,
1965[regelnummer]
Ende verbant den sac; daer na seder
Gaf hine den cnape, ende seide:
‘Vrient! Ganc thuus ward sonder beide,Ga naar margenoot+
Ende ontbint dinen sac niet
Eer gi thuus comt, wats gesciet.
1970[regelnummer]
Ende alse gine oec hebt ontbonden,
Vernemdi oec [yet] optie stonden,
So binten vaste weder daer;Ga naar margenoot+
Ende dan comt te mi daer naer
Ga naar margenoot+ Ende secgt mi wat gi hebt gesien.’
1975[regelnummer]
Die gene ginc wech, blide van dien.
Ende alsi buten Coelne es comen,
Haddi harde gerne vernomenGa naar margenoot+
Wat in sinen sac had gewesen.
Hi ginc daer sitten; ende na desen
| |
[pagina 128]
| |
1980[regelnummer]
Ontbant hi sinen robijn saen.
Daer ut sprongen sonder waen
In weder side .i. serjant,Ga naar margenoot+
Ende elc enen leest in sine hant,
Daer si den genen [met] sloegen doe.
1985[regelnummer]
Si gingen hem vaste toe
Ende sloegen so sere na das,
Dat hi en wiste waer hi was.Ga naar margenoot+
Int leste bedachti hem daer naer
Dat hi den sac bonde vor waer,
1990[regelnummer]
Also hem broeder Alebrecht seide;
Daer bant hi den sac sonder beide.
Daer verloes hi die gene ten kereGa naar margenoot+
Diene geslagen hadden sere.
Ende doen hi dus verloest was,
1995[regelnummer]
En dorsti niet vorder gaen na das,
Ende keerde weder te Coelne ward,
Ende ginc te broeder Alebrecht ter vardGa naar margenoot+
Ende telde hoe hi hadde gevaren;
Ende bat hem vriendelike daer naren
2000[regelnummer]
Dat hi sinen sac make na desen
Als hi te voren had gewesen.
| |
[pagina 129]
| |
Doen sprac broeder Aelbrecht mere:Ga naar margenoot+
‘Hets goet, dat ic di ene const noch lere;
So soutu te meer weten dan
2005[regelnummer]
Van mire const’! - ‘Neen, edel man!
Ontdoet mi dit, ne gere niet el,
U const[en] donken mi alle fel.Ga naar margenoot+
Ic bids u, here! wanes ontberen,
In wil uwer const nember leren;
2010[regelnummer]
Ic bens nu genoech gecastijt!’
Doen gaf hi orlof te dier tijtGa naar voetnoot2011
Den genen, dies was sere blide.Ga naar margenoot+
Dus sciet hi van daer ten selven tide,Ga naar voetnoot2013
Ende es thuus ward van daer gegaen.
2015[regelnummer]
Ende eer hi den sac dorste bestaen,
Dedine enen andren eer ontbinden;
Want hine dorstem niet genindenGa naar margenoot+
Dat hine ontbonden had yet
Voer dat hijt ane enen andren siet.
2020[regelnummer]
Dit hebbic van broeder Alebrecht vonden:
Noch vele meer soudies u vermonden,
| |
[pagina 130]
| |
Mar hier gaet ander dinc voren;Ga naar margenoot+
Hier na seldijs noch mee horen.Ga naar voetnoot2023
|
|