Die ridderlycke reyse van heer Lodewijck Vertimans van Bolonien

Dat .xxxv. capittel seyt hoe dat si dat rijs sayen int lant.

DJe boeren ghenoemt die Hirani, als si willen saeyen dat rijs,

[fol. 53r]

so houden si een alsulcken gewoonte. Ten eersten breken ende ackeren si dat aertrijck met ossen na ons lants maniere, ende terstont daer na saeyen si dat rijs inder eerden, ende daer crijghen si alderley snaerspel pijpen ende fluyten alsoo vele als si inder stadt crijghen moghen, ende maken also vruecht int velt. Ende als si saeyen so hebben si thien oft tweelf mans in seltsame cleederen, met onghestelden aensicht gelijck die duuels, die maken seltsame manieren met den speelluyden, in dier manieren, dat die duyuel henlieden helpen soude, dat die vrucht wel soude wassen ende raken.