Emblemata aliquot selectiora amatoria

[p. A3r]

In Emblemata Amatoria Othonis VaenI.
Hugonis Grotij Epigramma.

QVestus Amor nōdum sua respondere triumphis

Praemia, nec famae quod satis acta sequi,

Mille per artificum spatiatus millia, legit

Ottonis doctas aes animare manus.

Ipse regit ferrum, vultus ipse imprimit aeri,

Et gaudet duris durior ipse puer.

At laetus monumenta Dei victricia mundus

Accipit, & plaudit cladibus ecce suis.

[p. A3v]

 

Ecce Cupidineas omnis jam dextra tabellas,

 

Et Paphios lusus jam sinus omnis habet.

 

Praeda puellarum juvenes, juvenúmque puellae,

 

Cernite quid valeant tela potentis heri.

 

At vos ite procul, tanto quibus ista videre

 

Spes erat, & pictus laedere novit Amor.