Logo DBNL
Psalmen Davidis (1566)

Psalmen Davidis

(1566)–Jan Utenhove–rechtenstatus Auteursrechtvrij

in Nederlandischer sangs-ryme


Vorige Volgende

Besoeckinge der krancken.

INt besoecken der krancken werden ten meesten dese stucken verhandelt. Ten iersten. dat alle kranckheyden ende elenden van Godt ko-

men. + Ten anderen, dat Godt sodane sende, dat syne gherechticheyt ouer der sunden straffe, ende barmherticheit ouer de boetuerdighen, te bet erkent worde: ende wie Godes kinder syn of niet. So sal dan een krancke mensche syne sunden beide tegen Godt ende den naesten begaen, + na anwysen der heyligher wet Godes, bekennen, ende vth anmercken des tornes Godes tegen hem, vth oirsake derseluen, in sich vertsagen, ende syne toeulucht to der barmherticheyt des hemelschen vaders tegen hem, in synen Sone Iesu Christo) + die onse versoeninge, gerechticheyt ende leuen is: in welckes bloede wy vollenkomen vergeuinge alle onser sunden hebben) mit vasten vertrauwen nemen.

Dewyle auer, dat gelouie synen wederstrydt heeft, sal de krancke bidden vm vermeeringe desseluen: ende de artikelen Christliken gelouies sampt den verborgentheyden, beide Doipe ende auentmaels des Heeren vlitigen ouerleggen.

+ Dewyle auer oock Godt, niemand voor synen beckent, dan die in warer

liefde staet: + so sal sich de krancke, in alle beleedigingen tegen synen naesten mit hem versoenen ende hem ghenoech doen.

+ Ten anderen, alle den genen, die hem beleediget hebben, van herten vergeuen. Ten lesten, oock alle oirsaken toekumstigen twistes na synen afscheide, so veele in hem is, mit bescheidinge syner dingen, ende testament maken, ontnemen. +


Vorige Volgende