Psalmen Davidis

in Nederlandischer sangs-ryme

Forme des bannes of afsnydinghe.

⁺ VOrierst verklaert de diener, na einde der vormiddagischer predike, De ban sy een insettinge Christi, wardoor alle halszstarcke ende wreuelighe

+ wat de Ban sy.

[fol. 43v]

verachters aller Christliker vermaningen, ⁺ als Heyden ende ongeloiuigen vth der gemeinte geselschap afgesecht ende dem duyuel, ter verderuinge des vléesches, op dat de géest salich worde, ouergegeuen werden.

⁺ Ten andern, dat men die alléene bannen ende afsnyden moet, die in openbaren of heimliken sunden ouertuyget, alle vermaningen na Christi beuel gedaen, sonder enige gegeuen hopeninge der beteringe, verwerpen of verachten. 1. Waruth klaer is, De banne sie niet so seer de sunden an, als de verwerpinge of verachtinge der vermaningen darouer ghedaen.

⁺ 2. Ten anderen, Dat hy oock alleene gedreuen werden moet, ouer dat gene, dat mit Godes wordt bewesen werdt sunde te syne, wan men darouer geene vermaninge annemen, noch boete doen wil.

⁺ Ten derden, Hoewel de ban eygentliken van den dieners der Ghemeinte beleidet werden moet, so mogen sy nochtans alleene (veel weiniger alleene huerer etlike, of een eenich diener) niemande bannen, voor dat sy der

+ 1.Cor,5,3

+ Wie men bannen moet

+ Moet den Ban alleene gaen ouer dat ghene dat na Godes wordt sunde is.

+ Wie den Ban anlegghen mach. Iesa.53.5

[fol. 44r]

Ghemeynte eendrachtige bewilliginge dar ouer hebben.

⁺ Ten vierden, Dat de gebanneden, edt sy dan dat sy sich bekeeren, in eene gewisse verdoemenisse der sielen komen, ende syn so seker van der kercke Christi afgesneden, ende van der gemeynschap der heyligen ende toesagen des eewigen leuens vthgesloten, ende den duyuel ouerghegeuen, als sy van der vterliker gemeinschap der Ghemeynte afgesneden syn: Ia doet hier in rechter banninge de Gemeynte niet, dat niet Godt vorheen in hemel gedaen heeft. Welck ock Christus selues mit eede beuestet heeft, ende ghesecht, Warliken ick segghe v, ⁺ wat gy op erden binden sullet, dat sal oock in hemel ghebonden syn,

⁺ Ten lesten, Dat dat eynde des bannes sy, niet verderff, dan salicheyt des gebanneden: ende weluardt der Ghemeynte, die hier mede bewyset, Sy voede, noch boiszheit, noch slappicheyt, noch ergernissen, noch oirsaken des tornes ende straffe godes, by sich. ⁺

⁺ Na deser verklaringe stellen sich de andere dieners tosamen voor der Ge-

+ Een gewisse teecken der verdoemenisse

+ Mat,18.18

+ Einde des bannas, 1.Cor.5.4

+ 1.Cor.11.31.

+ verklaringe de banstraffige hebbe alle vermaningen verworpen.

[fol. 44v]

meynte: so verklaert dan de diener vordan vth den stoel to der Ghemeynte, Hoe sy na hueren ampte sus lange te vergeuesch den geuallen broeder beide heimelick ende opentliken vermanet hebben, ende derhaluen nu gedwungen werden to den banne te komen. ⁺ Ten andern, Dat niemandt ouer der oirsake des bannes enigh twyfel hebbe, bewyszt hy vth Godes wordt, de swarheit synes vergrypes, ende hoe hy darbeneuen alle vermaningen sus lange hartneckliken verachtet hebbe. Hierouer néempt hy de andere dieners, die voor der Ghemeynte staen, to tuygen.

⁺ Ten lesten verklaert hy, Dar hebbe in der vorgaender weeken niemand geene verhinderinge vortdtgebracht: derhaluen men sulckes, voor eene eendrachtige bewilliginge der Ghemeynte hielde. Uermaent darouer de Ghemeynte, Sy sal den val deses broeders als hueres ledes beweenen, ende sich darouer hoichliken bekummeren, end Godt voor hem bidden op deser wyse.

⁺ O eewige ende barmhertige Godt die du na dyner vaderlicker goedicheit

+ Bewyse synes vergrype vth der Schrifft

+ Teeken der bewilliginge der Gemeinte in den Bann

+ Ghebedt. Ezech.18 32

[fol. 45r]

niet willest des sundaers doidt, mer dat hy sich bekeere ende leue: wy bidden dy oetmoedeliken, wil door dynes Geestes kracht, vermorwen end breken dat steeneren hert onses broeders N. ende de duysternissen synes gemoedes wehren, dat hy waraftlicken bekennen moghe, hy hebbe tegen dy ende dyne Ghemeynte ghesundicht, ende sulckes van herten beweene ende betere: Op dat hy also sy ende bluye een ledt dynes Soons in dyner Ghemeynte. Uerhoir ons, o goedige vader, die wy dy in namen dynes lieuen Soons Iesu Christi anroepen: ende wil onsen vorgenoemden dwaligen ende vergaenden broeder, wederumme op de rechte bane voeren, dat wy alle, die wy nu vm synes valles ende halszstarcheyt willen bedroeuet syn, in syner oprechter boete, ons veruruewen mogen. Neige dyne oiren, allerbarmhertighste vader, to den ghebede dynes volckes, dat dy voor een kranck ledt dyner Gemeinte anroepet, dat edt gesondt blyue, ende niet afgesneden werde ende verga. Dit bidde wy allergoedighste vader, van dy,

[fol. 45v]

door denseluen dynen sone Christum Iesum, als wy van hem gheleert syn ende spreken, Onse vader die du. etc.

Na desen gebede, spreckt de diener to der Gemeinte, Nademael onse B, N. die sich an Godt ende syne Ghemeynte vergrepen heeft, door geene vermaningen, ter boete ghebracht heeft konnen werden, ⁺ ende dat vth Godes wordt openbar is, Hy sy darumme van den hemelrycke Godes vth gesloten. So moete wy sulckes, na heysche onses dienstes, mit der macht ons van Iesu Christo onsen Heere gegeuen, door opentlike afsnydinge betuygen, ende hem vth der Ghemeynte doen mit anroepen onses Heeren Iesu Christi op deser wyse.

+ 1.Cor.6.10 Ephe.5,5