Logo DBNL
Psalmen Davidis (1566)

Psalmen Davidis

(1566)–Jan Utenhove–rechtenstatus Auteursrechtvrij

in Nederlandischer sangs-ryme


Vorige Volgende

Dancksegginge.

+ O Hemelsche vader, een ongrondighe bornquille alles troistes ende barmherticheit, + hoewel wy niet werdt syn van dy anghesien off verhoirt, véel weniger, dat wy onder dyne kinder

gherekent werden souden: nochtans, na dien wy dyne onwtspreckelike goedicheyt ende barmherticheyt, + in dynen eengheboren Soone Iesu Christo ansien, dat du ons (die wy dannoch des eewigen doides werd syn) door denseluen niet vergaen latest, mer roepest ons liefliken ter boete, ende nemest ons wederum mit vergeuen aller onser sunden schuldt, in dyne vaderlike genade an, So werde wy bedwungen, dese dyne onwtnemelike goedicheyt, van herten te prysene, ende dy voor deseluighe eeuweliken te danckene, So loue wy dy dan nu, allerheylichste vader, sampt dynen Sone ende den heyligen Ghéest. Wy anbidden ende dancken dy, voor dyne sunderlinghe gaue der boete, die du desen onsen broeder ghegeuen hebst. Bidden dy ock van herten, Du willest ons oock allen, wan wy sundigen ende ons vergrypen, deselue ghenade gheuen, dat door onsselues beschuldighinge ende onse schaempte, dyne kracht ende eere verklaert werde in onser swackheit. Op dat wy also, wt der gewaldt der duysternisse onttogen, in dat genaderike dynes soons christi Ie-

su ouergesettet, + hem als leuende rancken ingeentet werden: ende door dynen heyligen Geest ghereyniget, oueruloedige vruchten in hem, dachlikes door dyne ghenade vordtbringhen mogen, ter eeren dynes heyligen naems ende der Ghemeynte stichtinge, door denseluen dynen sone Iesum Christum onsen Heere. Amen.

+ Na deser dancksegghinghe, vraget de Diener den boetuerdigen broeder of, Of hy oock vordan, onder der Ghemeynte straffe staen wil, So hy antwordet, Ia: verkundiget hem de Diener syne ontbindinge voor God ende der Ghemeynte, in hemel ende op erden, door Iesum Christum, die voor alle onse sunden gestoruen is. Darna werd van den anderen dieners, deses broeders uersoeninge mit der Ghemeynte, mit kusse ende handtgeuen voor der gantser ghemeynte betuyget: ende de actie mit eenen Psalmgesanck gesloten.


Vorige Volgende