Psalmen Davidis

in Nederlandischer sangs-ryme

Vermaninghe an den gheuallen broeder:

⁺ GHy hebt gehoirt B. Uwe plicht an de Ghemeynte, sy vwer sunden schuldt voor derseluen te bekennen: Hebbe wy oock Godt angeroepen, gy mochtet dit oprechtliken doen So gaet dan nu in v selues, ende dencket, ghy staet niet voor menschen, die ghy bedrieghen mochtet, dan voor Godt, die sich in desen onsen dienste, niet bedrieghen, noch oock vwe huychelie vmmermer onghestraffet laten wil. Darumme gheeft hem door ware leedschap ende belyden vwer sunden, syne eere: Bidt hem vm ghenade in name

+ Vermaninge an den valligen broeder sine schuldt te bekennen

[fol. 41r]

synes eenigen geboren Soons, ende laet hem also dat werck syner barmherticheyt an v ende an ons allen troistliken to wercke leggen. Hiertoe geue v nu Godt syne genade. Amen.

Hier bekent nu de vallige broeder de stucken synes vergrypes ende sunden voor der Ghemeynte: of (so hy sulckes door schaempte of andersins niet bequaemliken doen kan) de diener wt den stoele, mit affurage aent eynde, Off edt also niet sy: Off edt hem oock niet leedt sy, dat hy sulckes ghedaen hebbe: ende bidde nu Godt ende de ghemeynte vmme vergiffenisse, ende mit der ghemeynte wederumme versoenet te werden moghen.

Antworde. Ia.