Psalmen Davidis

in Nederlandischer sangs-ryme

Darna spreckt de Diener den valligen vordan an, op deser wyse.

⁺ Wy hoiren hier B. vwe bekentenisse, ende dancken Godt daerouer: war door ghy niet so seer v, als den duyuel schaemroidt gemaeckt hebbet. Daromme erken vryeliken, dit sy niet uwe noch vleesches werck, dan een sunderlige ghenade Christi des Heeren, die ter eeren synes namens, to uwer salicheit

+ Vermaninge an den vallighen broeder to danckbaerheyt.

[fol. 41v]

ende stichtinge syner Ghemeynte, dit door kracht synes Gheestes in v gewracht heeft. Derhaluen gy v wel voor te siene hebbet, dat gy dit niet to uwer gewisser verdoemenisse miszbruicket: noch: den Satan (die ongetwyfelt ouer syner schande, hier niet rusten sal) géen ruym maket, ⁺ ende also dyn leste dan dat ierste erger werde. Bidt Godt stedes mit ernste, dat hy v regere, mit synen Geest stercke, behoede ende bescherme: ⁺ ende v den Christliken wapentuich tegen de listige anloipe des duyuels geue. ⁺ Twifel oock niet, Godt, die trauwe is, wil v bystaen: ende gelyck als de duyuel an onse hoiuet Christo niet gehadt heeft: also sal hy oock, noch an v noch an ons allen iet hebben.

+ Luc.11.26

+ Eph,6,11

+ 1,Cor,10.13 Ioan.14.31.