Psalmen Davidis

in Nederlandischer sangs-ryme

Een ander ghebedt.

O Almachtige eewighe Godt ende barmhertighe hemelsche Uader, die du ons door dynen Sone Iesum Christum onsen Heere gheleert hebst wy sullen dy in alle onsen oeffeningen anroepen: ⁺ ende dar beneuen toeghesecht, du willest ons, waerumme wy in

+ Ioan,14.3

[fol. 25r]

synen name bidden, onghetwyfelt verhoiren: Wy bidden dy oetmoedichliken, du willest ons to samen mit onsen sade, dat dy in deser onser Ghemeynte toegebracht werdt (des Godt du hebst syn willen: ⁺ dat van dynen Sone Iesu Christo in de armen ghenomen ende gesegent geweest is) ghenadichliken ansien, ende mit dynen heylighe Gheest also regeeren, dat wy dagelicks bet ende bet, dy ende ons selues kennen leeren, ende van daghe to dage in allerleye godtsalicheyt toenemen: dat alle menschen mercken ende spoeren mogen, du syst onse ende onses sades Godt: ende wy tosamen mit onsen sade, dyn volck ende erfdeel, in Christo Iesu dynen lieuen Sone: mit welcken ende dem heylighen Geest du leuest ende regeerst een eenich ende eewich Godt altyt ghepresen. Amen.

Na den ghebede, gaet de diener tot den doipelinck, ende wan hy den vader desseluen name afgheuraghet heeft, neempt hy versch suyuer water, dat voorheen voor der predike op der Ghemeynte tafel ghebracht ende heen ghesettet was, in syne handt: begiet daer

+ Gen.17,7 Marc,10,16,

[fol. 25v]

mede des doipelinghes hoift, ende spreckt luyde voor der gantser Ghemeynte. N. Ick doipe dy in den name des Vaders ende des Soons ende des heylighen Gheestes.

GOd ende de vader onses Heeren Iesu Christi bestedige ende bekraftighe door synen heylighen Gheest, in desen kinde ende in ons allen de gauen syner gheschuncken wedergheborten ende gherechticheyt in Christo Iesu ten eewighen leuen. Amen.

Daerna vermaent de Diener de Ghemeynte ter dancksegghinghe, ende spreckt aldus.

⁺ WY dancken dy almachtige hemelsche Uader door Iesum Christum dynen lieuen sone, dat du ons, die wy sampt onsen sade, des eewigen vloeckes ende doides waren, wederomme (na tuychenisse der Doipe) door genadige versoeninge in den roiden bloede Christi Iesu angerichtet, ten eewigen leuene erstadet ende ghebracht hebst: ende bidden dy oetmoedichlicken, du willest dit tegenwoordighe kindt, dat na tuychenisse

+ Dancksegghinghe.

[fol. 26r]

deser Doipe dyne is, mit dynen heylighen Geest, van nu an so regeren, ende mit desseluen gauen int opgroeyen so tsieren ende bekraftigen dat edt dese dyne vaderlicke goedicheyt ende barmhertigheyt, an sich ende an ons alle bewesen danckbarliken erkennen, ende in aller gerechticheyt ende heylicheyt voor dy leuen moge onder onser aller koninck ende hoighe priester Christo Iesu: Die mit dy ende den heyligen Geest is een eenich ende eewich Godt altydt ghepresen. Amen.