groiter barmherticheit, ende erbarme dy onser. Geef ons rechte kennisse ende leedschap onser sonden, ende ware bekeringe onses leuens. Sterck de diener dyner kerken, dat sy mit ernste, trauwliken ende bestendichliken dyn heilich woordt vthkunden, ende de ouerheyt dynes volckes, dat sy dat vterlicke swerdt, mit bescheidenheit ende gerechticheit voeren. Behoed ende bewaer ons voor aller valscheit ende ontrauwe: verstoet alle raadtslaghen, die teghen dyn wordt ende gemeynten gedacht werden. O Heere ontreck ons niet dyn word, noch dynen géest: mer geef ons vermeeringe des geloiues, ende in allen dingen, bescheidicheit, geduldt ende godlike wysheit. Sta dyner kercke by: kum huer te hulpe: verlosz se van allen ergernissen, schandtulecken, verschoerers, spotters, onderdruckers ende tyrannen. Sterck oock alle bedroeuede herten: end gheef ons dynen vrede, door Iesum Christum onsen Heere, in welckes name wy dy bydden, als hy ons geleert ende beuolen heeft. Onse vader die du bist, etc.
Auteursrechtvrij