Logo DBNL
Psalmen Davidis (1566)

Psalmen Davidis

(1566)–Jan Utenhove–rechtenstatus Auteursrechtvrij

in Nederlandischer sangs-ryme


Vorige Volgende

Ghebedt voor alle nooden der Christenheyt, des sondages na der predike.

WY dancken dy aller barmhertichste hemelsche, vader, dat du beneuen ontelliken weldaden, die du ons myt anderen menschen int ghemeyne bewesen hebst) insunderheyt ons verlosset hebst van den elenden dienst des Satans, + aller afgoderien, dar wy inne gheuanghen laghen: ende hebst ons wtgeuoert tot den lichte dyner heyligher waerheyt, ende erkentenisse dynes heylighen Euangelii. Hoewel wy dannoch hier teghen, anders niet dan groote ondanckbaerheyt teghen dy bewesen, + ende dyner weldaden vergheten hebben. Syn van dy afgheweken: onsen eyghen lusten na-

gheuolghet: ende hebben (als wy schuldich waren) dy noch gedient noch gheert: ende hebben derhaluen groulicken voor dy ghesundighet, ende dy, o Heere, grootelicks vertornet: Also dat, so du mit ons handelen woudest na onsen verdiensten, wy niet anders te verwachten hadden, dan de eewighe verdoemenisse, doodt ende verderf. + Wy mercken oock wel o Heere, wt den daghelickschen castyingen, die du ons toesendest, Du syst ten rechten ouer ons tornich: (want dewyle du rechtuerdich bist, straffestu niemande, of du hebbest oorsake daertoe. Sien wy oock darbeneuen, dyne handt sye noch tot meerder straffe ouer ons erheuen. Ende wan du oock ons noch veel harder straffedest, dan du suslanghe gedaen hebst: ia al vielen alle plaghen, daer du de sunden dynes volkes Israel mede to huys ghesocht hebst, to eenmael ouer ons, So moeste wy noch bekennen, du dedest ons recht ende geen onrecht. + Dan o Heere du bist God, ende wy men erde ende stoff: du bist onse schepper, ende wy dat werck dyner handen: du bist onse heirder, en-

de wy dyne schapen: + du bist onse verlosser, ende wy dyne kinder ende eruen. Daeromme straffe ons doch niet in dynen torne, mer by mate, dat du ons niet to niete doest. Erhoude ons ende volstreck dat werck, + dat du door dyne barmhertigheyt aen ons angheheuen hebst: dat de gantse wereldt eruare, du syst onse Godt ende Salichmaker.

Dyn volck Israel, + heeft dy menichmael vertornet: derhaluen sy oock ten rechten van dy ghestraffet gheweest syn: auer so dicke sy sich weder tot dy bekeert hebben, hebstu se wederomme in ghenaden opghenomen, Ia ock hoe groit ende swaer huere sunden ghewest syn hebstu dannoch alwech de plaghen, die du hen toebereydet hast, ghenadelicken afghewendet, omme des verbondes willen, + dat du mit dienen dienaren Abraham, Isaac, ende Iacob ghemaeckt hast: ende hebst noyt dat gebedt dynes volckes verworpen. + Nu auer hebbe wy door dyne ghenade, euen dat selue verbondt in der handt Iesu Christi onses middelaers, tusschen dy ende dyne gheloiuighen opgherichtet: Ia is nu dat seluighe heer-

liker ende kraftiger, na dien het van Christo onsen Heere, mit synen heylighen lyden ende steruen, ende inganck in syne eewighe heerlicheyt veruullet ende beuestet is. Derhaluen wy o Heere mit versaken onses selues ende aller menschen hulpe, nemen alleene onse toeulucht to desen salighen ghenade verbonde, + daer ons onse Heere Iesus Christus (als hy eenmael syn onschuldich lyf ten volkomen offer voor ons, ant cruce ghegheuen heeft) mede mit dy in eewicheyt versoenet heeft.

+ Sie dan, o goedighe Heere, in dat anghesichte dynes ghesalueden, ende niet op onse sunden: dat door syne vorbede, dyn torne ghestillet werde, ende dyn anghesichte op ons luchte tot onser vrueghde ende salicheyt.

+ Wil ons oock vordan annemen, onder dyne heylige bescherminge ende beleydt, ende ons regeren mit dynen heyligen Geest, + die dagelicks meer end meer onse vleesch mit synen lusten doode, ons also ten beteren leuen vernieuwe ende ware vruchten des geloiues + (daerdoor dyn heylige name gepresen werdt) in ons alwech vordtbringe: dat wy mit vuerigher begheert, alles wat vergaet

verachten, + ende alleene na hemelschen dinghen trachten mogen.

Ende dewyle edt dyn wille ende beuel is, o ghenadighe Godt, datmen bidden sal voor alle menschen, + So bidde wy dy voor ierst, Du willest dynen seghen strecken ouer de leere dynes heylighen Euangelii, dat edt allenthaluen trauwlicken verkundiget ende vruchtbaerliken angenomen werde. + dat de gantse wereldt mit dyner salichmakender erkentenisse veruult werde: dat alle blende erluchtet, alle dwalige bekeeret, + alle swacke ende aengeuochtene gestercket, alle bekummerde getroistet werden, ende een ieder dynen heylighen name mit mond end daadt groitmake.

Wil hiertoe trauwe dieners vthsenden in dynen oigst, + ende deselue also begauen, dat sy hueren dienst vruchtbarliken bedienen moghen: alle valsche leeraers ende huerlingen ende die niet de ere dynes heiligen namens, + noch der menschen salicheyt, dan alleene huere eygen eere ende nutte soecken, sampt allen woluen, wil vthroyen.

Wil oock dyne Christlicke Ghemeinten, die du allenthaluen geropen hebst

genadelicken erhauden in eenicheyt waren geloiuens ende rechtschapen godsalicheyt des leuens, + dat also mit verderue des rykes des Satans, dyn ryke dachlikes toekome, tot dat edt vollenkomen werde, wan du alles in allen syn werst. +

Wy bidden dy oock voor dat wereldtlike regiment, voor Keyser, koningen, vorsten, landtheeren, heeren ende regenten, ende int gemeine, alle ouerheyden: insunderheyt auer voor onse G.K. in desen ryke, Elizabeth, sampt hueren hoigen koningliken Raadt, mit allen ouerheiden ende amptluyden ouer dit gantse ryke gesettet: sampt noch der E. Ouerheit ende wysen raadt deser stadt Londen. + Geef dat deser aller regeringe, dartoe alleene gerichtet werde, dat de Koninck aller koningen, + ouer se ende huere onderdanen regere: dat ryke des duyuels door se, als dyne dienaers, dachlikes meer ende meer verstoyret ende afgebracht werde, ende dat wy onder hen een rustsam stil leuen leiden mogen in aller godtsalicheyt ende eerbarheyt.

+ Uorder bid wy voor alle onse mit-

broederen, + die onder den Pauwsz of Torcke veruolginge lyden, wil se mit dynen heyligen Gheest troisten ende daruth genadeliken verlossen. Laet niet toe, + dat dyne Christenheyt verwoestet, ende de gedachtenisse dynes names op erden vthgedelget werde. Dat de vyande dyner warheyt, to dyner oneere ende lastering sich niet roemen. Ende so edt van dy beschicket is, de geloouigen sullen mit hueren bloede dyne warheyt besegelen, + So wil se mit kracht van bouen so stercken ende troisten, dat sy sulckes van dyner vaderliker handt duldeliken opnemen, + dynen heylighen wille volgen, ende also bestendich blyuen beyde in leuen ende steruen to dyner eere, dyner ghemeynte stichtinge end huerer salicheyt.

+ Bidden dy oock voor alle de gene die du versoeckest ende castyest mit armoede, geuanckenisse, kranckheit des lyues of anuechting des geestes: troist se alle o Heere, na dem du wetest hen noidich te syne: geef, dat huere castyinge hen diene ter erkentenisse huerer sonden ende beteringe hueres leuens. Geef hen bestendige geduldt: versoet

huer lyden: ende verlosz se endelicken daruan: Dat sy sich dyner goedicheyt vertrauwen ende dynen name alwech prysen moghen.

Ten lesten o Heere wil ons ende de onsen sampt allem wat ons angaet, + in dyne beschermynghe ende hode nemen. Gheeff dat wy in onsen roepe, na dynen wille leuen, ende de gauen, die wy van dynen milden segen, dachlikes ontfangen also bruycken, dat sy ons niet hinderen, mer veel méer ten eewigen leuen vorderlick syn. + Sterck ons oock in allen anuechtingen, dat wy in waren gheloiue stryden ende ouerwinnen, ende herna mit Christo dat eewige leuen beeruen mogen. Sulckes altemael bidde wy van dy aller ghenadigeste hemelsche vader, mit vorhouden sulckes gebedes als ons dyn sone Christus Iesus selues geleert heeft, ende spreken vth gronde onses herten Onse vader die du bist. etc.


Vorige Volgende