Psalmen Davidis

in Nederlandischer sangs-ryme

[fol. 4v]

Ghebedt voor der predike.

O God hemelsche vader, van welcken alle goede gauen ende volkomen wysheyt kompt, wy bidden dy oetmoedelicken, du willest door dyne oneyndlicke goedicheyt onse blende verstandt mit dynes Gheestes kracht verluchten, dat wy to rechter erkentenisse dyner godliker waerheyt komen, ende onse gantse leuen daerna stedes schicken moghen. Ende na dien edt dy welgheuallich is, allerghenadighste hemelsche vader, de verborgentheiden dynes willen voorneemlicken den onmondigen ende kleynen te openbarene, ende hebbest alleene acht op de elenden, die eenes tebroken gheestes syn, ende sich voor dynen worde vruchten: So geef ons eenen oetmoedighen gheest, ende wehre van ons alle vleeschlike ende werldtlike wysheyt, die een viandschap weder dy is. Wil oock ten rechten wege bringen, die noch van dyner waerheyt dwalen: Op dat wy dy allen éendrachtighen dienen in heylicheyt ende gherechticheyt die dy geuallich is, alle onse leuedage. Sulckes bidde wy van dy aller-

[fol. 5r]

barmhertighste hemelsche vader, in name dienes lieuen Soones onses Heeren ende Heilandes Iesu Christi, ende singhen wt grond onses herten. O God die du onse. etc.