Psalmen Davidis

in Nederlandischer sangs-ryme

Laudate Dominum de cœlis. psalml.cxlvii.

De prophete vermaent alle creaturen te prysen de groit-

[fol. 238r]

machticheyt der Heeren, ende syne goedicheyt teghen syn volck.

DU hemel schepsel, loof den Héer,
Looft hem in ’t hoogh’ wt krachten:
Looft hem alle syn enghels seer:
Looft hem all syn heyrkrachten,
Looft hem oock Son end maen eenpaer
Louet hem alle sterren klaer.
Looft hem hoogh’ hemels t’ samen:
Daertoe de waters die daer

[fol. 238v]

syn
Bouen die hemels, laet hem fyn
prysen, end s’ Heeren namen.

Want alleenlick door syn beuel
Syn die dinghen gheschapen,
Hy heefs’ oock beuestight seer wel,
End eewlick konnen staken.
Hy heeft hen beuestight een wet,
End een fyn ordening ghesett,
Die sy niet ouertreden.
Du erdenschepsel loof God fyn,
Ghy draken treckt denseluen lyn,
End daertoe all’ afgronden,

Uyer end haghel oock snee end damp:
Windt met synen stormdringhen,
Die synen goeden wille sampt
Syn woordt wel kan volbringhen.
Berghen end all’ hueuels met een,
Uruchtbare boomen in t’ ghemeen,
End alle cederboomen.
Beesten end allerhande vee
End kruypende dieren daerme

[fol. 239r]

 

Uoghels verciert met plumen,

 

 

 

§1 De koninghen op d’ ersche dal

 

End alle volken t’ samen,

 

De vorsten heerschend’ ouer all,

 

Alle richters by namen.

 

Oock die daer ionghelinghen syn,

 

End daertoe de ionckfrauwen fyn,

 

In huere ionghe iaren.

 

Oock die ouden van daghen vry,

 

End die daer opgroeyn dat sy

 

Prysen den naem des Heeren.

 

 

 

Want synen naem alleen hoogh’ is,

 

End van seer grooter werden:

 

Syn heerlicheyt die gaer ghewis

 

Bouen hemel end erden.

 

Hy heeft eenen hoorne gaer dicht

 

Synen volcke fyn opghericht.

 

End lof all synen vromen.

 

Naemlick den kindern Israel,

 

Synen volcke ghelieuet wel,

 

Louet den heeren. Amen.

Ghebedt.

§ O eewighe God al wyss ende al goedt, wy bidden dy, wil ons de ghenade doen, dat wy dyne wonderbare wercken aenmercken, ende tot dyner vreese ghebuyght werden, (insunderheyt nademale edt dyn welgheuallen geweest is ons in dat ghetall dyner kinder te roepene, dat wy dat ghene, dat du in dynen Sone Iesu Christo toeghesecht hebst ghenieteden) dat wy dy in eewigheyt

[fol. 239v]

prysen ouer der scheppinghe ende erhoudinge aller dinghen, ende insunderheyt dat du ons tot der ghemeynschap desseluen dynes Soons Iesu Chrisi geroepen hebst, Amen.