Psalmen Davidis
(1566)–Jan Utenhove–
Auteursrechtvrijin Nederlandischer sangs-ryme
[Folio 236v]
| |
 Onsen Gode toe te singhen.
Want hy is ouerlieflick end soet:
Lof is hem een hueghlick dinghen,
Want die Héere bauwt sonder misual,
Ierusalem, wt hueren val,
End Israell t’hoop wilt bringhen.
Die eens ghebrokenen hertes syn,
Heylt hy end verbindt huer wonde:
Het ghetal der sterren telt hy fyn,
Des gantsen hemels in’t ronde.
End gheeft hen allen oock eyghelick,
| |
[Folio 237r]
| |
Selu’ eenen naem bysonderlick,
Waer door hy werdt groot beuonden.
Ons’ Heer is groot end groot is syn kracht:
Syner wysheyt is gheen eynde.
Die Heer heft op die van herten sacht:
End maeckt het den sondaers banghe.
Ende werpts’ hard op der erden grond,
Singht den Heere dan t’ alle stond:
Speelt hem met harpenghesanghe
Hy deckt met wolcken den hemel breyd,
Daerbeneuen oock der erden
Ghetydighen reghen hy bereydt,
End brenght voort het gras der berghen.
Het voeder allen vee dat daer leeft,
End den ionghen rauen hy gheeft,
Die hem daer stedes aenroepen.
§1 Hy heeft aen des perds sterckheyt verdriet
End aen den die daer op stuenen
End heeft syn welgheuallen oock niet
Aen des stercken mannes beenen,
Mer die Heer en heeft gheenen onlust
Aen den, die hem vreesen met lust,
End op syn goedigheyt leuen.
O Ierusalem prys doch den Heer,
Sion wil dynen Godt louen:
Want hy de grendels dynr poorten seer
Uast maeckt, seghent daerenbouen
Dyne kinders, die binnen dy syn:
| |
[Folio 237v]
| |
End met vrede de palen dyn.
Met tarwen blomm hy dy sadight.
Door wiens beuel de reghen komt aen,
Ende alle dingk moet ghewerden.
Die de snee als wolle gheuen kan,
Den smuyck stroyt als asch’ op erden.
Die den haghel stuckwyss gheeft ghewis,
Euen als ys, dat so koudt is
Dat niemand wel kan anueerden.
Wen hy’ tghebiedt so smeltet gaer voort
Door synen wind komt de reghen.
Dem Iacob verkondight hy syn woordt,
Israel syn wett te deghen.
Welck hy met gheenen volcke voorwaer
Oyt heeft ghedaen, hen openbaer
Makende syne gherichten.
| |
Ghebedt.§ O Heere, die du geneest alle thoslaghenen, hefst op de onderdruckten, ende vernederst de godloosen, wil onder ons dyne Ghemeynte weder bouwenidyn volck, dat onder der tyrannie des Antichristes is, to hoipe bringhen, ende ons dyn wordt door dyne trauwe dieners verkondighen laten, dat, wy in dyner vrucht, op dyne goedigheyt ende sorge, die du ouer ons dragst, wachtende, niet op eenighe menschen op erden, dan alleene op dy vertrauwen, in name dynes Sons Iesu Christi, Amen. |
|
