Psalmen Davidis

in Nederlandischer sangs-ryme

In conuertendo. Psal.cxxvi.

De gheloouighen prysen Godt ouer huerer verlossinghe, twyfelen niet in hueren druck vander goedwilligheyt Godes to huerwaert, versekert dat na droefnissen sal vertroostinghe volghen.

DOe nu die Heer wederbrochte
Sion wt gheuanghnis swaer,
Uan enckel

[fol. 212r]

blyschap ons dochte.
Dat wy droomden alle gaer,
Onse mond is ghewesen,
Uol lachens, ouermits desen,
End onss tongh vol lofsangs klaer.

Doe hebben met open kaken
Die Heydens luyd’ aengheuaen
Die Heer’ heeft seer groote saken
Ghewislick met hen ghedaen:
D’Heer ghedaen groote dinghen
Heeft met ons, dies wy ontspringhen,
End syn met vrueghden beuaen.

Heer, onss gheuanghnen breng weder,
Die daer noch ouerigh syn,
Somen de beken siet neder

[fol. 212v]

 

Sterck vloeyen, door Suyden wind,

 

Die daer met tranen sayen,

 

Sullen met vroylickheyt maeyen,

 

End hooghlick ghetroostet syn.

 

 

 

Die daer syn saeysaed met duchten

 

End weenen gheworpen heeft,

 

Die sal doch niet eewlick suchten,

 

Hoewel hy een wyl so leeft.

 

Mer syn vruecht sal vermeeren,

 

Ghelaen sal hy wederkeeren

 

Met syn handbusselen swaer.

Ghebedt.

§ O Heere Godt, wil ons van der gheuanckenisse Satane gantslicken verlossen: ende maeck, dat wy na onsen langhen verdruckinghen ons verblyden moghen in dyner vaderlicker goedicheyt, ende na dien wy dyne wonderbare wercken ghesien hebben, wy dy lof singhen in eewigheyt, door Iesum Christum onsen Heere. Amen.