Godt beschermt de godsalighen, mit welcken de godlosen gheen deel hebben sullen in synen rycke.
DIe huer betrauwen gants end gaer
Op God den Heere stellen,
Die blyuen gants onwanckelbaer,
Laten hen niet verstellen:
Huer hop’ is vast,
Op God beuest,
buyten allerley sorghe:
Daerom ghewis,
Blyuen sy friss,
Uast
[Folio 211r]
[fol. 211r]
ghelyck Sions berghe.
Ghelyck de stad Ierusalem
De berghen vast omringhen,
Waerdoor de vyand werdt so tem,
Dat hy’se niet kan dwinghen:
So omringt God
In aller nood
De syn’, end wilts’ aenkleuen:
End hen bystaen
Uan nu voortaen,
Tot in dat eewigh leuen.
God is gherechtigh ende goed,
Hy sal oock niet toe laten
Dat de godloos’ hebben den voet
Ouer syn huysghenoten:
Op dat de knecht
Die daer is recht,
In sonden niet verualle:
Goedt onderstand
Met syner hand
Doet God den vromen alle.
O Héer, doe wel den vromen al,
Die door t’ghelooue leuen.
Mer die leuen na huer gheual,
End hen tot quaed begheuen,
[Folio 211v]
[fol. 211v]
Die sal die Heer
Met groot’ onéer
Uerwerpen metten quaden.
Mer eewlick wel
Sal Israel
S’Heeren vred’ hebben. Amen.
Ghebedt.
§O Godt, die du bist de hope alle der ghenen die op dy vertrauwen, ommegeue ons also mit dyner bescherminge ende beuryinge, dat wy door dy ghehanthauet, der godloosen tyrannie ontkomen, ende sy die niet so lange an ons oeffenen, dat wy dardoor to boosheyt ghedreuen werden. Amen.
Auteursrechtvrij
