Psalmen Davidis

(1566)–Jan Utenhove– rechtenstatus


Leuaui oculos meos: psalml.cxxi. Dauid seght hier, de ghelouighen sullen na synen exempel hueren bystandt verwachten vanden enighen Godt, die alle huer heyligh voornemen ende anslaghen belyeden sal. VVAnneer my komt eenighe druck aen boordt, Tot den berghen heff’ ick myn
[Folio 207v]
oogen voort, waeruan ick op myn hulp gheduldigh wachte, Myn hulp gewis ick alleenlick verwachte Uanden Heere, die daer gheschapen heeft Hemel end erd end alles wat daer leeft Hy sal gheensins struyckelen dynen voet Laten, niet sal slapen dyn hoeder goedt: Sluymeren sal hy niet noch emmer slapen Die daer ouer Israel sitt te waken. Die Heer bewaer dy in allerley stand, Als dyn schaduw staet dy ter rechter handt. Daerom sal dy de Son des daeghs niet slaen Met huerer hit noch oock des nachts de Maen. Die Heer sal dy wel bewaren end hoeden Uoor alle quaed, end sal dyn siel behoeden.
[Folio 208r]
Die Heer sal dy hoeden met dyn gheleydt, So wat du doest, van nu in eewigheyt.
Ghebedt. O hemelsche Godt nademaele wy alleen bystandt van dy verwachten, laet niet toe dat wy eenighsins struyckelen, mer wil sodaen eene wake ouer ons nemen, dat wy in alle onsen anslaghen ende dinghen, waeromme wy dy in namen dynes allerliefsten Soons Iesu Christi van herten bidden, een goedt wtkomen hebben moghen. Amen.