Psalmen Davidis

in Nederlandischer sangs-ryme

Ad Dominum cum tribularer. psalml.cxx.

De Prophete begheert van lueghenachtighen tonghen ontsleghen te werden: beklaecht sich de godloosen, dat hy met hen gheenen vrede (dien hy dannoch soeckt, vinden kan.

VVAnneer ick was in teghen spoed,
So riep

[fol. 206v]

ick Godt aen metter spoedt,
End hy heeft my met blyden schyne.
Uerhoort, so hy alweghe doet.
De synen in drucks pyne.

Ach Heere God, myn siel beuryd
Uan valschen lippen t’ aller tydt,
Die doch niets dan lueghens vertellen:
End hueren naesten on ghemydt
Tweetonghigh eewelick quellen.

Wat kan de valsche tonghe doen
Anders dan twist end tweedracht broen?
Als eens sterckes mans scherpe pylen,
End kolen van geneuer groen,
So is sy t’ aller wylen.

Ach dat ick moet als vrembdelingk
In Misech syn, welck is een dinghk,
Om t’volcks boosheyt swaer te verdraghen:
In Ceders tenten oock ballingk
Blyu’ ick te vele daghen.

[fol. 207r]

 

Ick heb te langh ghewoont met hen,

 

Die doch niet doen dan twistighen:

 

Als ick van vreed’ hen sou vermelden,

 

So verworpense sy daerheen,

 

End hen teghen my stelden.

Ghebedt.

O Heere Godt wil verhooren onse ghebeden wan wy dy in onsen droeffenissen aenroepen: maeck dat alle lasteren, die de godloosen op ons legghen, een eynde nemen, ende wy also ten vreede bereydt syn, dat wy en teghen alle menschen achteruolghen, hoewel dannoch daerentusschen onse vyanden anders niet dan twist soecken. Amenn