Psalmen Davidis

in Nederlandischer sangs-ryme

Iubilate Deo omnis. Psal.C.

De Prophete vermaent alle menschen, dat sy sich begheuen tot den dienste Godes, ende sich vinden laten inder heyligher versamelinghe.

IEuchet inden Héeren alle ghy,
Die daer syt op erd hier beneden,
Uereert den Heere

[fol. 162r]

mit vrueghden bly,
Uoor syn aenschyn met vrueghd wilt treden,
Bekent den Héer, dat hy is de God dyn,
Hy héeft ons beyde Iod’ end heyden,
Ghemaeckt niet wy ons self, wy syn t’uolck syn,
End dat kudde syner weyden.

Tredet vry aen in de poorte syn
Hem danckende voor syn weldaden:
End in syn sael prys singhet hem fyn,
Looft hem end pryst syn naem met daden.
Want die Heere seer goedertieren is:
Syn bermhertigheyt niet sal enden

[fol. 162v]

 

End syn trauwigheyt die sal ghewis

 

Haer nemmermeer van ons wenden.

Ghebedt.

§ O Heere onse Godt ende heirder, buygh onse herten tot sulcker ghehoorsaemheyt, dat wy dy dienen ghewillichliken ende van herten, ende eewelick verkondighen dyn lof in dyner goedicheyt to onswaert, die du ons te vollen gheopenbaert hebst in dynen Sone Iesu Christo.

Amen