Psalmen Davidis

in Nederlandischer sangs-ryme

Deus in nomine tuo. Psalm.liiii.

Dauid stelt sich selues hier voor als een sonderlicke exempel eenes menschen, die sich gants verlaet op Godes beloften verhaelt dat ghebedt dat hy to Godt dede, als hy verraden was door die uan Ziph als beschreuen staet. 1.Sam.26.

[fol. 87v]

O Heere Godt, door dynen naem sta my by,
End door dyn kracht doe my doch goedt recht van deghen.
O Godt hoor myn ghebedt dat ick doe tot dy,
Ende door myns monds reden laet dy beweghen.

Want teghen my heeft hem der vyanden kop
End de wreede menschen met hate bewoghen,
Soecken myn siel, end rysen teghen my op.
De wyle dat sy Godt niet hebben voor ooghen.

Mer sie Godt doet my bystandigheyt in nood
Hy sal straffen myn vyanden metten doodt
End na syn trauwe t’quaedt niet latend’ onuergolden
D’Heer is mit den genen, die uw onderholden.

[fol. 88r]

 

Dan sal ick dy ghewillighen offer doen,

 

End dynen naem prysen o Heere der Heeren,

 

Want hy is goedt, end goedt is, na recht beuroen

 

Dy van herten te prysen end te vereeren

 

 

 

Want hy heeft my wt allerhande verdriet

 

End noodt verlost , wt vaderlicke ghenade:

 

End van mynen vyanden, also men siet

 

Heb ick mynen wensch ghesien nu vry van t’quade

Ghebedt.

O almachtighe Godt, die du nimmermeer verlatest de ghene die huer betrauwen op dy setten, neem onse sake in handen teghen alle onse vyanden, die sterck ende erschreckelick syn. Ende bewis oock dyne goedicheyt tot den ghenen die dy lief hebben dat wy altydt oorsake hebben mogen dy te offeren lof offer door Iesum Christum Amen.