Psalmen Davidis

in Nederlandischer sangs-ryme

Dixit insipiens psal.Liii.

Dauid secht hier, Edt sy al vol onghelouighen ende godsloosen, beschryft hueren val ende de verlossinge des volcks Goods dat door deselue verslonden werdt.

DE dwaes die spreeckt dat is gheen God
In syn hert’ end syn leuen,
Is gants gheschendt door schand end spot.
Niemand wilt

[fol. 86v]

t’goed ankleuen,
Die Heer sagh op der menschen kind,
Of yemant Godt socht end versint:
Sy syn alle afgheuallen,
Gants onnut end vol erghes woeds,
Niet een van hem wercket wat goeds,
Ia niet een onder allen.

Ghy boossdaders alle ghemeen,
Wen wilt ghy v bekeeren,
Die myn volck vereet tot op’t been
Ghelyck die d’broodt verteeren?
Sy roepen Godt den Heer niet aen:

[fol. 87r]

 

In grooter vreese sy steits staen,

 

Daer doch niet is te vreesen.

 

Sy syn alle vol erghes lists.

 

End maecken sonde daer gheen is,

 

Erghlick is al huer wesen.

 

 

 

Want Godt verstroyet der beenen all

 

Die de vromen belegghen,

 

want Godt heeftse versmaet end sal

 

Se straffen wat sy segghen.

 

Wie sal verlossen Israel

 

Als Godt sal wederbringen

 

Wt Sion, van syn groot ghequel,

 

Syn volck wt der gheuanghniss swaer?

 

Iacob sal hem verhueghen gaer,

 

End Israel ontspringhen.

Ghebedt.

O Heere Godt, fonteyne aller gherechtigheyt, die du veruloekest alle godloosicheyt end boosheyt, dood door de kracht dynes heylighen Gheestes alle verdoruenheyt die in ons van naturen is, end verlos ons van aller dwalinghe end teghenheyt, dat wy niet mede ingewickelt werden inden val ende straffe der spotteren dynes wordes ende verachteren dyner goedigheyt, die du ons bewysest in dynen welgheliefden Sone Iesu Christo onsen Salighmaker ende verlosser. Amen.