Psalmen Davidis

in Nederlandischer sangs-ryme

Omnes gentes plaudite. Psalm.xlvii.

de Ghemeynte werdt hier ingheuoert mit sonderlinghet vroylickheyt om der ouerkomen victorie ende der religien willen de gantse wereldt ouer verbreydt.

[fol. 77r]

ALle volcken ghemeyn
Slaet metten banden reyn,
Iuechet met blyden schyn
Den Heer sonder waenschyn
Met een seer fyn geluyd
Datmen’t hoor’ ouerluydt,
Want hoogh is Godt die Heer,
Ende wonderbaer seer’
Een Koningk ouergroot
Die daer laet blycken

[fol. 77v]

bloodt
Syn geweldt ouer al
Desen erdischen dal

Hy heeft bracht end ghestelt
Onder onse gheweldt
De volcken te ghelyck,
Hy heeft oock dapperlyck
Die Heydens metter macht
Onder ons voeten bracht.
Hy heeft ons in’t ghemeyn
Uerkoren ons erf reyn,
Naemlick de cierlickheyt
Iacob bekent in’t breydt,
Dien die Heer, die daer leeft
Uan herten grondt lief heeft.

Godt is fyn opghestaen
Met gheschalle vry aen,
Met basuynen gheluydt
Singhet, Gode vrywt
Singht, Singht onsen Koningk:
Singhet hem met gheklingk.
Want Godt een Koningk is
Regnerende gaer friss
Ouer het gants’ erdtryck,
Singhet alle te ghelyck
Hem ter eeren een liedt
Ghy die verstandigh syt.

[fol. 78r]

 

Want Godt heeft heerschappy

 

Ouer die Heydens vry,

 

Godt is gheseten schoon

 

Op synen heylghen troon,

 

Om stracks den volcken syn

 

Goedt recht te wysen fyn.

 

De vorsten on waenschyn

 

Sullen hen voeghen fyn

 

Tot Abrahams Godt friss,

 

Want Godt veel grooter is

 

Dan alle vorsten fel,

 

End verhooght ouer al.

Ghebedt.

§ O Heere Godt Koningk der koninghen, die du alle volcken ende natien onder dyner handt houdest, verlos ons vander handt alle der ghenen die ons soecken te verdriuen: op dat een ieghelick bekenne, wat sorge du voor dyn erue draeghst, ende wy verhalen mogen de ghesangen ende lofsanghen die dy behaghen door onsen Heere Iesum Christum. Amen.