Psalmen Davidis

in Nederlandischer sangs-ryme

Beatus qui respicit. psalml.xli.

Dauid in wterster pyne, seghent de ghene die hem om dies willen niet veroordelt hebben: Beklaght sich der verraderye syner valscher vrienden, ende onder anderen eenes, die met hem seer familier ende ghemeynsaem was Welck een voorbildt Iude gheweest is. Io 13 Roept godt om barmhertigheyt teghen hem, met sulcker gewisheyt, dat hy hem alrede dancket ouer der verkreghen ghesontheyt ende keert het altemael ten loue Godes. Een bequame Psalm voor de ghenen die desghelycken eruaren hebben.

O Wel saligh die daer rechtsins verstaet,
Ouer der armen staet,
Dien sal die Heer ver-

[fol. 68r]

lossen wt syn leyd,
In tyd der teghenheyt,
Godt sal hoeden hem, end maken ghesond,
End fraey menigher stond,
End sal hem niet ouergheuen met schand,
In synr vianden hand.

Als hy sal op syn smertbed ligghen kranck
God sal bringhen in swanck
Hem, end veranderen de kranckheyt syn,
In een ghesondheyt fyn.
Ick heb gheseyt in mynen smerten, Heer,
Erbarm dy myner seer:
Gheneess myn siel, want ick heb alte vry
Ghesondight teghen dy.

Myn vyanden hebben my quaedt gheweynst
In huer herten beueynst,

[fol. 68v]

 

Segghende, sal hy doch niet steruen saen,

 

End syne naem vergaen?

 

End als yemand my te besoecken quam,

 

Met lichtuerdigher stem,

 

Die ghingk van my heen, t’herte vol boosheyt

 

End heefts’ also verbreydt.

 

 

 

§1 Myn haters die alle komen te hoop

 

Rysen teghen my op,

 

Met listigheyt slaen sy eenen raedt vry

 

Eendrachtigh teghen my,

 

Segghend’: het is om syner sonden wil,

 

Dat hy te bedt ligt stil:

 

Hy is so kranck dat hy nummer daeruan

 

Ontsleghen werden kan.

 

 

 

Ia myn groot vriendt dien ick trauw heb gheacht

 

End my secreet opbracht,

 

Die myn broodt aen myn tafel gheeten heeft

 

Heeft teghen my ghestreeft.

 

Erbarem dan dy myner nu, o Heer

 

Na dyn ghenade teer,

 

Recht my fyn op, dan sullen loon ontfaen,

 

Die teghen my opstaen.

 

 

 

Mer men kan, Heer, wel bemercken hier by,

 

Hoe lief dat ick dy sy,

 

Dat myn vyandt te lachen gheen oorsaeck

 

Heeft ouer myne saeck.

 

Du bist die my erhouden heefst altydt,

 

End allesins beurydt:

[fol. 69r]

 

End salt voortaen vrylick beschutten my,

 

End stellen steets voor dy.

 

 

 

Hoogh ghelooft sy d’Heer God van Israel,

 

Alleen end niemand el,

 

Uan eewigheyt tot eewigheyden vry,

 

Amen also het sy.

Ghebedt.

§ O Godt alles troostes, maeck door dyne oneyndelicke goedicheyt, dat de vaderlicke kastydinghen die du ons sendest, an ons also nut syn, dat onse vyanden darentuschen ouer ons niet triumpheren, mer dat sy schaemroot werden, ende wy door dynen heylighen gheest ontsteken werden dy eewelick lof te singhen door dynen Sone Iesum Christum. Amen.