Psalmen Davidis

in Nederlandischer sangs-ryme

Domine Dominus noster. Psalm.viii.

Dauid met grooter verwonderinghe, maeckt groot de wonderbare macht des Scheppers aller dinghen, ende de groote goedicheyt die hy heeft willen bruycken totten mensche, den hy hem schier ghelyck ghemaeckt heeft.

O Onse Godt end Heer van grooter

[fol. 11r]

werde,
Hoe wonderbaer, ia ouer de gantse erde
Is dyne naem du heefst seer fyn verhooght
Dyn heerlicheyt bouen den hemeln hooght.

Du heefst dyner sterckheyt lof willen gronden
Wt der kindern end suyghelinghen monden,
End maeckst daerdoor verslaghen end beschaemt,
Dyn vyanden end wrekers onbeschaemt.

Als ick aensie end aenschawe alle weghen
D’hemels, die daer syn een recht werk van deghen
Dynr vingheren, de Maen schynende an breydt
End de sterren die du heefst toebereydt.

So seg ick vry verwondert end andachtigh,
Wat is de mensch dat du bist sins ghedachtigh?
Of wat is der menschen soon dat du vraegst
Na hem? end dat du syner sorghe draegst?

§1 Du heefst hem God byna ghelyck schoone
Ghemaeckt, end heefst hem verciert metter krone,

[fol. 11v]

 

Der heerlicheyt, end heefst hem ghestelt fyn

 

Ouer alle wercken der handen dyn.

 

 

 

Du heefst synen voeten al onder worpen

 

De schapen ende rinders, end gheworpen

 

Onder hem de dieren, die daer op t’veldt

 

Om huer weyde te soecken fyn ghestelt.

 

 

 

De voghels des luchts met huer klare stemmen,

 

End de visschen des Meers die in breed swemmen

 

End wat in s’Meers weghen fyn wesen heeft,

 

End so wat daer onder dat water sweeft.

 

 

 

O eewigh Godt onss Heer weerdt te vereeren

 

Hoe wonderbaer, end vol allerley eeren

 

Is dyne naem, ouer de weereldt breyd

 

Ia ouer al door dyn wonder verbreydt.

Ghebedt.

§ O eewighe Godt, die du door dyne voorsichtigheyt regierst alle creaturen, wy bidden dy oedmoedlicken, ghelyckerwys het dy ghelieft heeft ons te besoecken door dynen Sone Iesum Christum, ende ons wederomme te stellen in de eere, waer van wy door onser eerster ouderensonde veruallen waren: geef dat wy met erkentenisse dyner weldaden, grootmaken moghen dyne wonderbaerlicke moghentheyt nu ende in eewigheyt, Amen.