Hondert Psalmen Davids mitsgaders het ghesangk Marie, t'ghesangk Zacharie, t'ghesangk Simeons
(1561)–Jan Utenhove–
Auteursrechtvrijde thien Geboden, de artikels des Gheloofs, t’ghebed des Heeren &c. ouerghesett in Nederlandschen dichte
§ De Prophete Dauid vermaent alle creatueren den Heere te prysen, end te louen, ouermits de verlossinghe die ons door Christum is gheschiedt. DV Hemelschepsel, loof den Heer,
| |
[Folio 149v]
| |
 Looft hem in’t hooghɇ, wt krachten,
Looft hem alle syn Enghels seer,
Looft hem all syn heyrkrachten,
Looft hem oock Son end Maen eenpaer,
Louet hem alle sterren klaer,
Looft hem hooghɇ hemels t’samen,
| |
[Folio 150r]
| |
 Daertoe de waters die daer syn
Bouen die hemels, laet hem fyn
Prysen, end s’Heeren name.
Want alleenlick, door syn beuel,
Syn die dinghen gheschapen,
Hy heeftsɇ oock beuestight seer wel
End eewlick willen staken.
End heeft hen ghegheuen een Wet,
End een fyn ordening ghesett,
Die sy niet ouertreden.
Du Erdeschepsel loof God fyn,
Ghy draken treckt den seluen lyn,
End allɇ afgronden mede:
Vier end haghel oock snee end damp,
Wind, mit syn storemdringhen,
Die synen goeden wille, sampt
Syn woord wel kan volbringhen,
Bęrghen end allɇ hueuels mit een
Vruchtbaere boomen in’t ghemeen,
| |
[Folio 150v]
| |
End alle cederboomen,
Beesten end oock allerley vee,
End cruypende dieren, daerme
Voghels verciert mit plumen.
De Koninghen op d’ęrdsche dal
End alle volcken t’samen,
De vorsten hęrschendɇ ouer al,
Alle richters by namen:
Oock die daer ionghelinghen syn.
End daertoe de iongkvrauwen fyn,
In huere ionghe iaren,
Oock de ouden van daghen vry
End die daer opgroeyen, dat sy
Prysen den naem des Heeren.
Want syne naem alleen hooghɇ is
End van seer grooter węrden,
Syn Heerlicheyt die gaet ghewiß
Bouen hemel endɇ ęrden:
Hy heeft eenen hooren gaer dicht
Synen volcke fyn opghericht,
End lof all synen vroomen,
Naemlick den kindern Israel,
Synen volcke ghelieuet wel.
Louet den Heeren, Amen
|
|