Hondert Psalmen Davids mitsgaders het ghesangk Marie, t'ghesangk Zacharie, t'ghesangk Simeons

de thien Geboden, de artikels des Gheloofs, t’ghebed des Heeren &c. ouerghesett in Nederlandschen dichte

Cantate Domino canticum. Psal.Cxlix.

§ Een lofsangk, ouermits de verlossinghe der Israeliten, sampt oock om de victori Christi ouer de gantse wereld, waer door den volcke der heylighen een volle vrede ghepredickt sal werden op d’ende der wereld.

[fol. 151r]

EEn nieuw ghesang singhet Gode den Heere
In der vroomen saemling syn lof end eere,
Israel sick verhueghe deeghlick, in
Den schepper syn.

Laet de Kinders Sion ęrnstlick verblyden
Sick, in hueren Koningk oock t’allen tyden,
Dat sy synen name mit pypen reyn
Louen ghemeyn.

Dat sɇ hem mit trom-len end harpen lof singhen,
Want Godɇ is syn volck een beualligh dinghen,
Hy verciert de sachtmoedighen in’t breyd
Mit saligheyt.

Mit heerlicheyt sullen de vromɇ ontspringhen,
In huer beddɇ oock iuechen mit blyden schyne,
Sy sullen God mit der keel prysen fyn,

[fol. 151v]

 

Sonder waenschyn.

 

 

 

Een tweesnydigh swęrd sal syn in huer handen,

 

Dat sy sick aen d’Heydens wreken, end vanden

 

Volcken moghen een straffinghe doen schoon,

 

Na rechten loon.

 

 

 

Op dat sy huer Koninghen binden moghen

 

Mit ketenen, end huer edelɇ hertoghen,

 

Mit yseren voetbanden stęrck end swaer

 

In’t openbaer.

 

 

 

Om te doen dat gherichte Gods te deghen,

 

Als gheschreuen staet, welck daer alle weghen

 

Sal syn allen vromen tot grooter eer,

 

Louet den Heer.