Hondert Psalmen Davids mitsgaders het ghesangk Marie, t'ghesangk Zacharie, t'ghesangk Simeons

de thien Geboden, de artikels des Gheloofs, t’ghebed des Heeren &c. ouerghesett in Nederlandschen dichte

Laudate pueri Dominum. Psal.Cxiij.

§ Dauid verweckt alle vroomen den Heere te prysen, ouermits dat hy sick also vernedert, op de kleynen te sien, ten nutte der verslaghenen end ellendighen menschen.

Looft den Heer, ghy die syn knechten syt,
Looft doch den name des Heeren.

[fol. 107r]

 

 

Des Heeren name ghebenedyt,

 

Deghelick moetmen vereeren,

 

Van nv aen tot in eewigheyt,

 

Van Oosten tot den Westen breyd,

 

Pryslick is de naem des Heeren.

 

 

 

Want die Heer verre verheuen is

 

Bouen den Heydenen alle,

 

End syn heerlicheyt groot ende frisch,

 

Bouen des hemels ghestelle,

 

Wie is ghelyck onß God, die daer

 

So hoogh woont, hy aensiet doch klaer

 

Wat in hemel is end ęrde.

[fol. 107v]

 

Die den aermen fyn wt stof oprecht,

 

End heft hem wt dreck tot eeren,

 

Om hem te stellen mit vorsten recht,

 

Mit syns volcks vorsten end Heeren.

 

Die de onuruchtbare te mael

 

Van kinderen, veel in’t ghetal,

 

Bly moeder heeft laten werden.