Hondert Psalmen Davids mitsgaders het ghesangk Marie, t'ghesangk Zacharie, t'ghesangk Simeons

de thien Geboden, de artikels des Gheloofs, t’ghebed des Heeren &c. ouerghesett in Nederlandschen dichte

Quam dilecta tabernacula. Psal.lxxxiiij.

Dauid bewyst hier, wat groote begheerte hy hadde, tot den tabernakel Gods daer de rechte Godsdienst was. End hoe lieflick het sy, midden in der Ghemeynte te wesen.

[fol. 73v]

HOe lieflick syn dyns tempels woonsten, Heer,
Myn siel mit lust dyns huyß ingangk beghęrt,
Myn hert end vleesch syn mit vruegden ontsprongen
Mit haest, tot den leuenden God, te komen.

De musschɇ end de swalwɇ hueren nest slecht
Gheuonden heeft, daer sy huer ionghen legt,
So lust my oock, o God na dynɇ autaren,
O myn Koningk, end Heere der heyrscharen.

Saligh syn die in dyn huyß woonen vry,
Eeuwelick vroo, sy sullen prysen dy.
Saligh is wiens kracht in dy is gheleghen,
End in wiens hert beuest syn dyne weghen.

Door t’dal des drucks gaende sy sullen fyn,
Altyd voorsien van schoon fonteynen syn,
Van dueghd tot dueghd sy sullen gaen mit vreden,

[fol. 74r]

 

End sullen vry in Sion tot God treden.

 

 

 

O Heer, end God der heyrscharen verhoor

 

Myn bidden, hęrck God Iacobs onghestoort.

 

God, die onse beschęrmer bist, vol trauwen,

 

Wil in d’aenschyn dyns Ghesalfden stracks schauwen.

 

 

 

Want ghewislick een dagh in dyner sael

 

Is beter dan elders duysent te mael,

 

Lieuer wachtdɇ ick de duer des huyß myns Heeren,

 

Dan dat ick wou, mit den boosen, verkeeren.

 

 

 

Die Heer is my tot eener sonnɇ end schild,

 

Ghenadɇ end eer die Heere gheuen wilt,

 

End syn goeden den vromen sonder rauwen,

 

Saligh is, Heer, die in dy sal betrauwen.