Hondert Psalmen Davids mitsgaders het ghesangk Marie, t'ghesangk Zacharie, t'ghesangk Simeons

de thien Geboden, de artikels des Gheloofs, t’ghebed des Heeren &c. ouerghesett in Nederlandschen dichte

Dixit insipiens.

Psal.liij.

§ Dauid segt hier, hoe dat God aensiet de boosheyt de godloosen, end dat hy de selue sal straffen, beschermende de gheloouighen.

DE dwaes die spreeckt: daer is gheen God,
In syn ghemoed end leuen.
Sy syn gheschendt, door schandɇ end spot,
Tot goed gheenßins begheuen,

[fol. 58v]

 

 

Die Heer sach op der menschen kind,

 

Of yemand God souckt, end versint,

 

Sy syn allɇ afgheuallen.

 

Gants onnut, end vol ęrghes moeds,

 

Gheener van hen węrcket wat goeds,

 

Ia niet een onder allen.

[fol. 59r]

 

Ghy booßdaders alle ghemeen,

 

Wen wilt ghy v bekeeren,

 

Die myn volck op eett tot op d’been,

 

Als doen die d’brood verteeren:

 

Sy roupen God den Heer niet aen,

 

In grooter vreese sy steets staen,

 

Daer gaer niet is te vreesen,

 

Sy syn alle vol ęrghes lists,

 

End maken sonde, daer gheen is,

 

Erghlick is allɇ huer wesen.

 

 

 

Want God verstroeyt der beenen al,

 

Die de vroomen belegghen,

 

Want God heeftse versmaedt, end sal

 

Se straffen, wat sy segghen.

 

Wie sal verlossen Israel,

 

Wt Sion, van syn groot ghequel,

 

Als God sal wederbringhen

 

Syn volck, wt der gheuanghniß swaer,

 

Iacob sick sal verheughen gaer,

 

End Israel ontspringhen.