Hondert Psalmen Davids mitsgaders het ghesangk Marie, t'ghesangk Zacharie, t'ghesangk Simeons

de thien Geboden, de artikels des Gheloofs, t’ghebed des Heeren &c. ouerghesett in Nederlandschen dichte

Dominus regit me. Psal.xxiij.

§ Hier werdt beschreuen, hoe ghelucksaem end gherust sy in allen dinghen een gheloouigh mensch, die op des Heeren goedheyt is rustende, want hy voedt, regiert, troost end beschermt de synen, als een herder syn schapen.

MYn Heer voedt my in oueruloed,

[fol. 18v]

 

 

My kan gaer niets ghebreken,

 

In’t groen gras hy my weyden doet,

 

Leydt my aen waterbeken,

 

Mynr siel huer kracht,

 

Door syne maght,

 

Heeft hy weder ghegheuen,

[fol. 19r]

 

 

End leydt my stil.

 

Om syns naems will,

 

Ouer d’oprechte weghen,

 

 

 

Als waert schoon dat ick moeste gaen

 

In’t dal des doodschen schaduw,

 

So kondɇ ick niet vreesen daeraen,

 

Want du my bystaest stadigh,

 

Dyn roedɇ end staf,

 

Daermit du strafst,

 

Hebben my troost gheboden,

 

End mynen disch

 

Vercierstu frisch

 

In mynr vyanden ooghen.

 

 

 

Du salfst myn hoofd mit oly schoon,

 

Welck du seer klaer doest blincken,

 

End mynen beker tot den soom

 

Du wilst daertoe vol schincken.

 

Dese goedheyt

 

In eewigheyt

[fol. 19v]

 

Sal my huer ghselschap gunnen,

 

So dat ick sal,

 

Sonder afual,

 

In t’huyß des Heeren wonen,