Hondert Psalmen Davids mitsgaders het ghesangk Marie, t'ghesangk Zacharie, t'ghesangk Simeons

de thien Geboden, de artikels des Gheloofs, t’ghebed des Heeren &c. ouerghesett in Nederlandschen dichte

Domini est terra. Psal.xxiiij.

§ Dauid wel wetende dat de Tempel ghebauwt soude werden op den bergh Moria: singht wt de groote goedheyt Gods tot den Israeliten: tusschen de welcken hy eyghentlick een plaetse voor sick verkoos, na den mael het gantse erdryck hen toequam.

DErdryck komt toe den Heerɇ allein,
Die gantse węreld in’t ghemeyn,
End die daerin ouer breyd woonen.
Hy heeftsɇ op d’Meer stęrck ghegrondeert

[fol. 20r]

 

 

Verryckt, end lustelick verciert

 

Mit menigherley waterstroomen.

 

 

 

Wie sal comen op s’Heeren bęrgh

 

End op de plaetß die sonder ęrgh

 

Gants heyligh is, end sonder vlecke?

 

Die daer handen end hertɇ heeft reyn,

 

Mit ydelheyt niets heeft ghemeyn,

 

Sick mit valschen eed niet beulecket,

 

 

 

Sulck een sal vanden Heer voortaen

 

Seghening end ghenadɇ ontfaen,

 

Van Gode synen salighmaker,

 

Dit is t’gheslacht dat hem mit vliet

 

Souckt, end beghęrt doch anders niet

 

Dan tot syn aenschyn te gheraken.

 

 

 

Heft op uwɇ hoofden poorten groot,

 

Eewighe doren heft v blood,

 

Ingaen sal de Koningk vol eeren,

 

Wie is de Koningk sulcker eer?

 

Het is een ouerweldich Heer,

 

Door krygshandel vol aller eeren.

 

 

 

Heft op uwɇ hoofden poorten groot,

 

Eewighe doren heft v blood

[fol. 20v]

 

Ingaen sal de Koningk vol eeren,

 

Wie is die Koningk sulcker eer?

 

Het is der heyrscharen de Heer,

 

Een Koningk vol allerley eeren.