Hondert Psalmen Davids mitsgaders het ghesangk Marie, t'ghesangk Zacharie, t'ghesangk Simeons

de thien Geboden, de artikels des Gheloofs, t’ghebed des Heeren &c. ouerghesett in Nederlandschen dichte

[fol. 6r]

§ De Psalmen Dauids.

Beatus vir qui non abijt. Psalmus.I.

§ Dese Psalm segt saligh te syn, die daer verwerpende de seden end raed der godloosen, sick begheuen om te kennen end na te trachten de Wet des Heeren, end wederom omsaligh die ter contrary doen.

SAligh is de man die den rade
Der boosen niet is na ghegaen,
Niet staendɇ in der sondaren pade.
Noch den spotteren toeghedaen.

Męr in die Wet Godes des Heeren
Neemt synen lust, end dagh end nacht
Daerin ghedenckt vast t’syner leere,

[fol. 6v]

 

Hy sal syn als een boom gheacht.

 

 

 

Ghelyck een boom by waterbeken,

 

Syn vruchten fyn gheeft t’syner tyd:

 

Also sal oock syn vergheleken

 

Dese man gaer ghebenedyt.

 

 

 

Een blad sal doch niet moghen wycken

 

Van sulcken boome so gheplant:

 

Also sal hy oock desghelycken

 

Bespoedight syn aen allen kant.

 

 

 

Dit sal gheensins moghen gheschieden

 

Den boosen die God wederstaen,

 

Męr sy sullen stracks moeten vlieden

 

Als t’kaf voor wind niet can bestaen.

 

 

 

Daerom sullen die boose knechten

 

In’t oordeel niet konnen bestaen,

 

Noch die sondaers by den gherechten,

 

Mits dat sy na der boosheyt staen.

 

 

 

Want God bekent den wegh end d’leuen

 

Der die de dueghd natrachten fyn,

 

Męr die de boosheyt hier aenkleuen,

 

Huere wegh sal verloren syn.