11. ander Psalmen
(1559)–Jan Utenhove–
Auteursrechtvrij
[Folio B3v]
| |
In desen Psalm beschrijft ons Dauid die goetheyt ende milde liberaelheyt Gods, ende vermaent allen Christenen, dat sy met hantreyckinghe, die wt de warachtighe liefde koemt, God nauolghen, de sulcke sullen blijuen, maer de goddeloose worden wtgeroeyt, op dese wyse ende met dese woorden, vermaent oock Paulus alle Christenen, tot hantreyckinge 2. Cor. 8. ende 9. Beatus vir qui timet.
I V. Salich is de man die daer leeft.
In rechter ontsicht des Heeren,
End die een welgheuallen heeft,
In zijn gheboden en leeren,
Sijn zaet op aerden sal, krachtich zijn,
End t'zaet der vromen
| |
[Folio B4r]
| |
t'welck God oock
sijn,
In seghening sal vermeeren
Rijckdom en alle ouervloedt
Sullen in zijn huys wesen
Sijn gherechticheyt blijuen moet
Hoe seer hy hier is in vreesen
T'licht schijnt den vromen in duysterheyt
End worden ghetroost in teghenheyt
Door Gods ghenade ghepresen.
Ga naar margenoot+
Weldadich is de goede man
Door wtleenen en gherieuen,
End al zijn saken hy wel kan
Met oordeel en stichting drijuen
Salich is hy want door gheen gheual
Beweecht hy nemmermeer werden sal
Den vromen man sal steits blijuen.
Van t'quaet gheruchte dat ouer koemt
Schroemt hy sick niet met allen
Want hy sick in den Heere roemt,
waer op t'herte is veruallen,
hy staet vast en vreest oock gaer niet,
Tot dat hy zijn vyanden siet,
na zijn begheerte oueruallen.
Hy deelet wt met herten bly,
En geeft van t'syne den armen,
Sijn gerechticheyt blijuet vrij,
Eewich mitds zijn ontfermen,
Syrien thorne verheuen staet,
vol eer, maer t'viants begheerte quaet,
Sal haest vergaen met karmen.
Met verdriet en toorn is hy beuaen
Dies bijt hy t'samen die tanden.
| |
[Folio B4v]
| |
Maer t'zijnder tijt sal hy vergaen
Ende worden tot schanden
Want des schalckens begheeren al
Sal vergaen en komen ten val
Ouer alle de landen,
|
|