11. ander Psalmen
(1559)–Jan Utenhove–
AuteursrechtvrijHet Argument des 86. Psalms.Dauid met desen schoonen Psalm, bidt God, dat hy hem (mitsgaders dat hy onnoosel is) voor die listen der vyanden wil bewaren, ende zijn ghemoet met lust der doechden ende der godsalicheyt ontsteken. Ende eyndelick loeft hy de goetheyt ende de barmhertteheyt des Heeren. Inclina domine.
I. V. | |
[Folio A8v]
| |
O Heer neicht tot my dijn ooren,
End wilt my als nu verhooren,
Want ick all sins ben verdruckt,
Gaet ellendich en bedruckt,
Bewaer bid ick dy mijn leuen,
Want tot doecht ben ick begheuen,
Mijn God bewaer dynen knecht,
Die sick dy betrouwet recht.
| |
[Folio B1r]
| |
O Heer, zijt my doch weldadich
Goetgunstich ende oock ghenadich
My die so ootmoedelick
Dy aenbidde daghelicks
End wil dijns knechs siel verblijden
Die sick dijns roemet t'allen tijden
Want tot dy mijn Heer mijn God
Hert ende ghemoet hef ick op.
O Heer op dy wacht ick gheduldich
Want du bist sacht ende ghehuldich
Seer goedich tot alle man
Die dy van herten roept aen
Mijn ghebedt dan Heer volkomen
Tot dynen ooren laet komen
End hoor so du alwech doet
Myns biddens stem metter spoet.
Ga naar margenoot+
So haest als my noodt beuanghet
Tot dy roep ick met verlanghen
Want my pleegstu in't ghemeyn
By te staen end anders gheyn
Daer is gheen God te ghelijcken
By dy O Heer des aertrijcken
End daer is noch God noch man
Die dijn wercken na doen kan.
Alle dijn schepsel met hoopen
Sal tot dy komen gheloopen
En sal dy aenbidden seer
En groot maken dijns naems eer,
Want du bist groot bouen maten
Ende van groote weldaden
Daerom hebstu desen prijs
Dat du gantsch alleyn God zijst.
O Heer wijst my dyne weghen
Dat ick wandele recht ter deghen
Bedwingt mijn herte dat het dy
En dijn name vreese vrij
| |
[Folio B1v]
| |
Ga naar margenoot+
Mijn Heere God van gantscher herten
Dijn lof wil ick stedes beherten,
En dynen naem totter doodt
Sal ick altijt maken groot.
Want dijn goedicheyt ghepresen
Hebstu aen my wel bewesen
Mijn siel treckende wt der noot
End vrijende van der doot
Heer die grootsche my bespringhen
En met grooten hoopen bringhen
End staen na mijnder siele stracx
Sonder op dy te hebben acht.
Maer Heer du bist seer barmhertich
Ga naar margenoot+
Seer weldadich ende goethertich
Lanckmoedich in toornicheyt
Gaer goet en vol trouwicheyt
Siet my aen zijt my ghenadich
Gheeft kracht dynen knecht ghestadich
End den soon dyner dienstmaeght
Bewaer ende maeckt onuersaecht.
Wil doch een teecken ter deghen,
Dyner goedicheyt my gheuen
Op dat gantsch werden beschaemt
Die my haten onbeschaemt
End op dat het hen mach rouwen
Wanneer sy sullen aenschouwen
Dat du Heer my byghestaen
En vertroosting hebst ghedaen.
|
|