Kleyn liedtboecxken

[p. 103]

Een Kinder-wiegh Liedeken.

VVy dancken u lieve Vadert
Dat ghy ons hebt gepaert
Al in die echt te gader,
Waer door wy hebben vergaert
Kint deynen, met weynen,
Toont sijn menschelijcken aert.

Met Salomon die wijse

Is sijnen eerste stem
Wenet, men mach wel grijsen
Alst niet koomt tot ghetem,
Wilt stille, d'onwille
Van't wenen, toont aen hem.

Dat ghy o Godt een Heere

Sijt over jonck en out,
Voedet op t'uwer eere,
Wy gevent u menichfout,
Met Hanna een Manna,
Als Samuel daer uyt bout.

Adams b[o]se natuere

Ontfancktet in dees tijt,
Christus 't Lammeken puere
Weer van schulde bevrijt,

[p. 104]

 

In't singhen, wilt dwinghen

 

Het wenen en ghecrijt.

 

Of ist jammerlijck wenen

 

Een vertooninghe van

 

Veel smerten groot en clenen

 

Die noch wel comen can,

 

Wilt beyen, met schreyen,

 

Tot dat die plaech comt an.

 

Elck dach moet sijn last draghen,

 

V gheschiedt nu gheen leyt,

 

Hout vry op van wee-claghen,

 

Heer die tranen gheleyt,

 

Te wroeten, ter boeten

 

Al totter salicheydt.

Na beter.