Kleyn liedtboecxken

[Myn alderliefste Bruyt en Wijf]

Na de wijse: Vader ons in Hemelrijck.

MYn alderliefste Bruyt en Wijf,
Ick bemin u van herten stijf.
Dit blijckt wel aen u gunst en trou,
Dat ghy my aen neemt voor u vrouw.
Ick heb u van herten begeert,
Boven des werelts goeden weert.

Met sulcken liefde hert en sin

Keer ick my oock tot uwaerts in.
Laet ons behouden desen bant,
Die altijt inder liefden brant.
Daer nae wil ick my setten heel,
Ghy sijt mijn Hooft mijn Heer mijn deel.
Tis waer ick ben wel Hooft en Heer,

[p. 102]

 

Maer in't wel regeren te teer.

 

V gunst en sorghe my voldoet,

 

V liefde het alles versoet.

 

Christi liefde tot sijn ghemeent

 

Mijn liefde tot u heel vercleent.

 

Wat mocht ghy claghen, can een knecht

 

Teghen den Meester bestaen recht.

 

Tis waer wilt ten goeden verstaen,

 

Dat ick niet volmaeckter voorgaen.

 

Och kond'ick selfs na u wil treen

 

Als die ghemeente Christi deen.

 

Leeft slechts na het vermoghen dijn,

 

Daer mede sal ick vernoecht sijn.

 

Ick was geern een behulp breet,

 

Valtet onthulp, het is my leet.

 

Sterckt ons, o Heer Hemelsche Vaer,

 

Dat elck sijn roep op't best neemt waer.

 

Als elck meest teghen hem selfs mort,

 

En over malcander niet knort,

 

Soo valt thuys houden best in vreen,

 

Twee sijnde met malcander een,

 

Een lichaem, een siel, en een gheest,

 

Besittende des Hemels Feest.

Na beter.