Kleyn liedtboecxken
(1633)–Pieter Jansz. Twisck–
AuteursrechtvrijEen ander, nae de selve wijse.
CHristus die ware Bruydegom goet
Spreeckt lieflijck en bequaem,
Tot sijn ghemeente ende volck soet,
Hy roept seer aenghenaem:
Koomt hier mijn Bruydt, mijn Lief en mijn Kroon,
Ghy zijt in alderweghen seer schoon.
Ghy hebt mijn therte ghenomen heel,
Mijn Suster lieve Bruyt,
| |
[pagina 67]
| |
Al door u schoone ghedaente veel,
Ghy zijt mijn roof, mijn buyt,
Keert u ooghen van my, ghy doet wel,
Want sy maken my vyerich ghequel.
V ooghen sijn als Duyven ooghen mee,
En uwen wanghen sijn
Als schale aen Granaet-appele,
Tusschen u vlechten fijn,
V hayr is ghelijck die geyten schaer,
Welck te Gilead gheschoren waer.
V neuse is als de toorne bloot
Op den Bergh Libanon,
V lippen sijn rosijn verwe root,
En u tanden sijn bon,
Ghelijck een cudde schapen schoon,
Die uyt der Wassche comen ten toon.
V hooft staet schoon als Carmelus eer,
Vwen hals is ghelijck,
Als die toorn Davids met borst gheweer,
En ander cieraet rijck,
V borsten zijn lieflijcker dan wijn,
Oude en Nieuwe testament fijn,
V cleederen reuck, 'tis openbaer,
Breyden oock soo wijt uyt
Als den reuck Libanon, suyver, claer
| |
[pagina 68]
| |
Mijn Suster lieve Bruyt,
Ghy zijt eenen beslotenen hof,
En eenen besegelden put voor 't stof.
Vwen vrucht is als een lusthof soet
Met veel edel ghewas,
Cypres, Nardus, Calmus, Caneel goet,
Coomt alles wel te pas,
Met alderley Boomen des Wieroock,
Myrrhe, Aloes, sonder stanck of smoock
Staet op noorde ende suyde wint,
En waeyt door mijnen hof,
Op dat sijn kryden druypen bemint
Tot den Hoveniers lof,
Die Lelien brengen mee haer reuck aen
Edele vruchten voor die deur staen.
Na beter. |
|