Kleyn liedtboecxken
(1633)–Pieter Jansz. Twisck–
AuteursrechtvrijNa de wijse: Aenhoort ghy jonghe sinnen.
GHeluck wenschen wy t'samen
Den Bruydegom en Bruyt,
Gheluck in goeder samen,
Gheluck ten eynde uyt,
Tot der sielen virtuyt.
Gheluck, onder die seghen,
Die't aldereerste paer
Van Godt hebben verkreghen,
Om te wesen vruchtbaer,
| |
[pagina 63]
| |
En die Aerde te gaer.
Ghelucklijck te regeeren,
En vermeeren gheheel,
Tot Godts prijs ende eeren,
'Tis veer het beste deel,
Houdt dit voor u juweel.
Gheluck wil Godt u gheven,
Dat ghy 't huys Israel
Mocht boven in u leven
Als dat huys Peres wel,
In gheestelijck opstel.
Gheluck ter saligheden,
Nae den vleysch ende gheest,
Gheef u die Heer in vreden,
Om die Hemelsche Feest
T'vercieren aldermeest.
Gheluck en welvaert schoone
Al in u nae gheslacht
Wil u die Heer mee croone,
Op u sake wel acht,
Dient Godt uyt al u kracht.
Gheluck sal gheschieden
Al inder eeuwichheydt,
Met alle die't quaet vlieden,
En haer hebben bereydt
| |
[pagina 64]
| |
Met een wit Bruylofts kleyt.
Na beter |
|