Samle fersen (= Verzamelde gedichten)

Hald dy kus, myn beste jonge

Fanke, sis my dochs ien wurdsje -
Wêrom bist sa lulk op my?

[p. 243]

 

aant.

 

Hâld dy kûs, myn bêste jonge:

 

'k Bin alhiel net lulk op dy!

 

 

 

Och, net lulk - wat jout dat, aste

 

Net in bytsje hâldst fan my.

 

 

 

Hâld dy kûs, myn bêste jonge:

 

'k Hâld in bytsje wol fan dy.

 

 

 

Och, wat jout dat: mar in bytsje,

 

Ast' net folle hâldst fan my.

 

 

 

Hâld dy kûs, myn bêste jonge:

 

'k Hâld in hiele bult fan dy.

 

 

 

Och, wat jout my dat: in bulte,

 

As 'k gjin tútsje fan dy krij.

 

 

 

Hâld dy kûs, myn bêste jonge;

 

Want in tútsje jou ik dy.

 

 

 

Och, dat jout ek wat: ien tútsje!

 

As 'k gjin tûzen tútsjes krij.

 

 

 

No - datst' dan dyn mûle hâldste:

 

Tûzen, tûzen jou ik dy!