Samle fersen (= Verzamelde gedichten)

De bline en syn bern

Sis, is it nacht?
Of blinkt de wrâld yn moarntiidspracht?
Of sinkt de sinne slûgjend del?
O bern, fertel!

O, praat in skoft
Fan maitiidsgrien en foarjiersloft!
Fan 't fûgelfolk yn 't jonge hout,
Fan sinnegoud!

Kom tichter by
En mei dyn hantsjes aaikje my,
Dat ik dyn waarme siken fiel,
Myn sinnestriel!

Sa biste myn!
Myn jonkheidslok en sinneskyn!
En yn myn deade eagen fljocht
In see fan ljocht.