Samle fersen (= Verzamelde gedichten)

[p. 174]

aant.

De hjerst het de simmer te hof brocht

De hjerst het de simmer te hôf brocht
En de winterwyn bile oer it grêf;
No binne alle blommen fertrape
En de dreamen ferstoden as tsjêf.

Myn leafde bloeide yn de simmer,
Mar waard mei de hjerstblommen wei.
De winterwyn skoddet de tûken -
Ik tink oer myn simmerlok nei.

De hjerst dolde in grêf foar de simmer
En de winterwyn gierde sa bang;
Mar ik ha myn leafde te hôf brocht,
Te hôf brocht mei klang en mei sang.