Samle fersen (= Verzamelde gedichten)

[p. 166]

aant.

Foarjier

Sjochste, hoe't de fiskjes sjitte
Troch it wetter fan de mar?
Sjochste, hoe't de dokes sitte,
Hja neist him, en hy neist har?

Hearste, hoe't de fûgels floitsje,
Lokjend, leavjend, yn it wâld?
Hearst, hoe't leafdesangen rûze
Troch de blide, jonge wrâld?

Sjochste 't, hearste 't? - Faam, fernim dan,
Wat ik net mear swije kin:
Dat foar my gjin blommen bloeie,
As ik dy net krije kin.