Samle fersen (= Verzamelde gedichten)

[p. 41]

aant.

[Frysktalige fersen]

De stjerren

Millioenen eachjes,
Dy sa blier en trou
Digerje nei d' ierde
Ut it himelblau;
Pearels, dy dêr hingje,
Troch inoar dêr kringje,
Rêst fyn 'k foar myn siele
As jim striele.

'k Lit myn soargen slomje,
Slomje lêst en need;
't Swurk is sûnder wolken,
't Hert is sûnder leed;
't Fljustert om my hinne,
Lyk as 't ingels binne:
Tsjuster moat ferdwine,
Ljocht moat skine.

Stjerkes, as jim strielen
Falle yn marke en see,
Falt der yn myn siele
Rêst en silge free;
As it sintsje skiede,
Nacht him leit oer d' ierde,
Blierkje jim en roppe:
Sjoch nei boppe!