It jonge Fryslân

Sangen en rimen fen jonge Fryske skriuwers

[p. 219]

To heech.
fen
O.H. Sytstra.

It moantsje stiet sa moai oan de loft;
It bern stekt syn hantsjes omheech.
Ho graech woed er 't habbe as boartersding!
Mar it moantsje stiet fiersten to heech. -

Nou sjocht it boike yn it wetter dol,
En - dêr leit it moantsje op de groun.
Nou kin er it krije - hy bûcht er nei -
En 't bern is yn 't wetter fordwoun.

It moantsje stie for it boike to heech,
Do lokke it skynsel him oan;
Mar det lûk him falsk yn it wetter dol -
Yn det wetter is 't boike forstoarn.