It jonge Fryslân

Sangen en rimen fen jonge Fryske skriuwers

Trou.
Oan myn Frjeun Ts.

Hy het in famke to hôf brocht,

Al jierren, jierren lyn;

Det grêf by de grize tsjerke

Leit it lok fen syn libben yn.

Dy faem wier 't ljocht fen syn eagen,

Dy forjit er nimmer net;

Hjar lichem bigroef er op 't tsjerkhôf;

Hjar siele rêst djip yn syn hert.

Syn hert is it grêf fen syn lieafde;

't Is tsjuster, yn djippe rou;

Mar blier bloit boppe de deade

De forjitmynet-blom fen de trou.

Pieter Jelles.