It jonge Fryslân

Sangen en rimen fen jonge Fryske skriuwers

[p. 113]

De Stôk by de Doar.
fen
C.W.

It wier ynspeksjedei; min seach

Fen fier en hein soldaetsjes

Opdaegjen, en dêrûnder wol

In hopen flinke maetsjes.

Mar teffens wierne 'er ek wol by

Perceelen, stiif as peallen,

Mei like folle kriichsmansbloed

En moed, as nochtren keallen.

Elk stie op tiid dêr yn 't gelid,

'n Kernel en twa serzantsjes

Der foar. Hy wier in stringen knaep,

Hja wierne in pear parmantsjes.

De baes rôp alle nammen op

Mei'n foarse, sterke stimme;

Elk sei, sa gau as 't koe: ‘Present!’

Oars mocht minhear ris brimme.

[p. 114]

 

Sa kaem 't oan ‘Lamstrraal Egberrt!’ ta;

 

Mar nimmen wie 'r, dy kikte.

 

Wer: ‘Lamstrraal Egberrt!’ en sa lûd,

 

Det elk 'er hast fen skrikte.

 

 

 

Nou stie der ien yn 't foarst gelid,

 

En dy sei, hiel biskromme:

 

‘Kernel, die man is dood.’ - ‘Hm, hm;

 

Dat kan mij niks verrdomme.

 

De tucht eischt, als ik kommandeerr,

 

Dan mot zoo'n negerr komme.’