It jonge Fryslân

Sangen en rimen fen jonge Fryske skriuwers

[p. 112]

Widzesankje
for ús lytse nynke.
(Mei Muzyk.)
fen
P.J. Troelstra.

Nynke, dêr ûnder dyn wrynke,
Efter it griene girdynke,
Dûk mei dyn kopke nou wei yn de plom;
Slomje, dou lieaflytse blom!

Poppe, sa prûs yn de gloppe,
Sliepingel wjukkelt fen boppe;
Floddert sa blier en sa gol om dy ta,
Triuwket en tutet dy sa.

Berntsje, sa kûs yn dyn herntsje,
Stil wirdt allinken dyn wentsje;
Efkes noch kypje, 't girdynke op in kier...
Sliep nou, lieaf famke, ont moarnier.