It jonge Fryslân

Sangen en rimen fen jonge Fryske skriuwers

In Tsjerkhôfblom.

Het de wintertiid syn wille,
Ek it foarjier het syn leed;
Oer de teare, griene knopkes
Komt de froast sims, einleas wreed.

Yn it liet fen 't opstien libben,
Det sa bliid rûst oer it gea,
Sjongt in flymjend skerpe stimme
Fen de kâlde, stomme dea.

Sjoch, de knopkes blinke en pronkje;
Fleur en libben is rounom;
Mar ik skriem om dy, myn sister,
Jonge, bleeke tsjerkhöfblom!

Pieter Jelles.