It jonge Fryslân

Sangen en rimen fen jonge Fryske skriuwers

[p. 104]

Sankje nei 't Swyljen.
(Mei Muzyk.)
fen
P.J. Troelstra.

It wirk is dien,

En elk en ien

Nimt nou syn spillen op.

Ho 'n moaije joun!

't Is stil yn 't roun;

Forstomme is eltse rop.

It sintsje dûk

Sa gleaun en smûk

Djip wei yn 't koele nest;

Ek mosk en ljurk

Rêste út fen 't wirk,

Geane ont moarnier to rêst.

Nou sjonge wy

Sa blier en blij

Ta tank for disse dei;

Wy swilen 't hea

Mei flugge lea

Fen gear en ekers wei.

[p. 105]

 

Fûleindich het

 

De sinne bredt:

 

It dripte ús fen de lea;

 

Mar 't minske het

 

As fêste wet:

 

To skrippen om syn brea.

 

 

 

Nou het de boer

 

By 't winter foer

 

For hynzers en for kij;

 

Gjin broei of skea

 

Bidearre 't hea;

 

Det hoopje en bidde wy!

 

 

 

Hwet ef me bout,

 

As 't fruchten jowt

 

Den falt it wirk yen licht;

 

As 't wierje wol,

 

As 't waechsje wol,

 

Den docht me graech yens plicht.

 

 

 

Lyts binne wy,

 

Mar soun en frij

 

As 't fûgeltsje yn de loft;

 

Wie 't wirk ek swier,

 

Ho'n wille en tier

 

Jowt den it itensskoft!

 

 

 

Allyk in bij,

 

Sa wrotte wy,

 

Sa lyts is ús bistean;

[p. 106]

 

Mar dêrom kin'

 

Mei 'n fleurich sin

 

Wy frij troch 't libben gean.

 

 

 

Dêr stekt de toer

 

De fjilden oer

 

Syn hege grize kop;

 

Gau skeppe wy

 

De tsjokke brij

 

Mei folle leppels op.

 

 

 

Den gean' wy sêd

 

En wirch op bêd,

 

En slomje swietwei yn;

 

Heech oan de loft

 

Dêr stiet fol noft

 

It moantsje yn silverskyn!