It jonge Fryslân

Sangen en rimen fen jonge Fryske skriuwers

Fiskermansfaem.

Oan sé sjocht dreamend de fiskermansfaem,
Ho 't de baren nei 't strân ta skouwe;
Hja tinkt oan hjar fisker, en laket fol nocht;
't Is Maeije; gau scille hja trouwe.

Dêrjinsen yn sé leit in fiskerman's lyk,
To nacht yn it wetter sonken;
Oan 't strân stiet laitsjend syn lokkige breid:
Hy leit dêr jinsen - fordronken.

Yn 't Easten hâld' wolken de sinne biskûl;
De himel is swart klaeid fen rouwe;
Oan sé sjocht gimikjend de fiskermansfaem
Ho 't de baren nei 't strân ta skouwe.

Pieter Jelles.